Roberto De Simone - 'O surdato nnammurato

Kishore Kumar Hits — Roberto De Simone - 'O surdato nnammurato lyrics

Artist: Roberto De Simone

album: L'armonia sperduta (Fra i suoni di Roberto De Simone e la voce di Raffaello Converso)

Staje luntana da stu core
A te volo cu 'o penziero:
Niente voglio e niente spero
Ca tenerte sempe a fianco a me!
Si' sicura 'e chist'ammore
Comm'i' so' sicuro 'e te...
Oje vita, oje vita mia...
Oje core 'e chistu core...
Si' stata 'o primmo ammore...
E 'o primmo e ll'ùrdemo sarraje pe' me!
Quanta notte nun te veco
Nun te sento 'int'a sti bbracce
Nun te vaso chesta faccia
Nun t'astregno forte 'mbraccio a me?!
Ma, scetánnome 'a sti suonne
Mme faje chiagnere pe' te...
Oje vita, oje vita mia...
Oje core 'e chistu core...
Si' stata 'o primmo ammore...
E 'o primmo e ll'ùrdemo sarraje pe' me!
Scrive sempe e sta' cuntenta:
Io nun penzo che a te sola...
Nu penziero mme cunzola
Ca tu pienze sulamente a me...
'A cchiù bella 'e tutt"e bbelle
Nun è maje cchiù bella 'e te!
Oje vita, oje vita mia...
Oje core 'e chistu core...
Si' stata 'o primmo ammore...
E 'o primmo e ll'ùrdemo sarraje pe' me!

Поcмотреть все песни артиста