Nascette mmiezo mare na scarola e Michelemmà
Comm'a storia 'e sta città
Io te la voglio raccuntà senza buscia ma verità
Assaie bella è Michelemmà sulo bellezza pot'avantà
Funiculì e funiculà
Ma cu 'a bellezza si vuò campà haie voglia sempe 'e t'a suscià
Ah comm'a femmena pezzente senza dote e senza niente
Cu 'a bellezza sulamente fa 'o mestiere malamente
Accussì Napule Nà 'o pentone sta sempe llà
Arrisuolve sta jurnata cu 'a pusteggia e 'a serenata
Li Turche se la joca se la jocano a primera
Sulo chesta è 'a storia vera
Chi ce pass'a sta città vere sì s'a po' jucà
Nove rignante ce passajeno a cavallo
Napule ce facette 'o callo
Ogni vvota si cagn'o gioco ccà nce appennen'a si loca
Ah cu 'e Nurmanne e l'Angiuine s'affittaie sera e matina
E si pave nu carlino vire 'o scoglio 'e Margellina
Accussì Napule Nà na canzona è sta città
Ca mentre ll'ate magneno essa te vò cantà
Biate chi la vence, chi la vence a sta figliola
Meza turca e mo' spagnola
Quanne a vence 'o rre di Spagna
Essa fotte e isso magna
Chi è chi nunn'è, s'a pazzeiano 'e vicerè
Tu spuoglie a mme, io spuoglie a tte
Po' c'ho metteno addereto nu quartiere a via Tuledo
Ah, quant'è belle stu quartiere
Va truvanno mo' 'o mestiere
Sto' mestiere 'e pere rotte e ce vo' chi fa 'a ricotta
E accussì Napule-nà na canzone fa' cantà
Spunta 'a luna a Marechiare canta sempe 'o ricuttare
Sta figliola è na figlia è na figlia de nutare
Carlo terzo mò è cumpare
Ca s'arape na cantina proprio miez'a sta marina
Stu rre Burbone s'a mparaie bbona 'a canzone
Canta lloco ca faie bbuono
Mentre canta 'a luna sponta io m'assetto a Capemonte
Ah viva sempe sta cantina 'e chitarre e manduline
Ca stu rre dà ogni matina feste e forca cu 'a farina
Accussì Napule Nà festa e forca può magnà
Si te piace sta canzone viva ancora 'o rre Burbone
E mpietto teneva na teneva na stella diana
Garibbarde sa pigliaie mmano
Po' facette 'o ruffiano co scarpone italiano
Vene Savoia e se 'nfila 'a scarpa soia
Co piluscio d'e berzagliere
Ma cu st'autu canteniere ca se sta peggio d'aiere
Ah te dicette 'o rre Vittorio mò te manna 'o sanatorio
Voglio fa 'o risanamento e t'o faccio 'o sbentramento
Accussì Napule Nà sta luna nova può cantà
Ca t'a vonno allarà peggio 'e primma 'a ccà e 'a llà
Chi pe la cimma e chi la cimma e chi pe lu streppone
Lu streppone a lu patrone
Ca pe ffà n'atu straviso ta fa nera sta cammina
Va la cimma 'nterra e te lass'int'a na guerra
Mmiez'a chillu serra serra
Pe la cimma a Musullino e 'o streppone 'e marocchine
Ah, po' s'arape n'autro chianche miett' 'acopp si c'avanza
Tu ce cante "'O sole mio" che sta nfront' a chi vvo' Dio
E accussi Napule-nà chistu sole non ce stà
Mentre l'aria ro castielle è turnate Franceschiello
Pe' ffa murì, murì l'amante a doje a doje ognuno ha fatt' 'e fatte suje
E cu' tutt' chist' amante
Si rummasa a lu vacante
Oggi chi t"avanta 'na canzona sempe canta
Che t'avvie o campusant
Ogni femmena e cchiù brutta
Quanne arrive stracque e strutta
Ah sò sbarcate alla marina auti Turche cchiù assassine
E a Pusilleco addiruso l'hanno fatto nu pertuso
Sta città pe copp'a ll'onne chianu chiano mò sprefonna
San Gennaro nun risponne ca stu sanghe nun nce 'nfonna
E accussì Napule Na a che serve cantà cchiù
Vire Napule e po' muore ca ce muore sulo tu
Nascette mmiezo mare na scarola e Michelemmà
Nascette e po' murette tant'e tantu tiempo fa