غرفة مسكرة مربعة مضوية لا شباك ولا باب
محبوس وعندو أمل حتى بعد ما الشعر شاب
كل شي زي الشمس اجى القمر بعدها غاب
الغلطات كلها ندم نصها ألم تاب ولسه بتنعاد
ليش اتدور على شغلة بتنجاب وين اصرارك
تخيل حالك سنجاب وشوف وين بتصفي آمالك
انك تفل احتلت كل احلامك خلصت اقلامك
بتحكي كثير وبتعبر من سرير ما اخذو اقوالك
نيالك ساكت على نزول داحل على طلوع
بتضحك زي توليعة سيجارة جنب كلمة ممنوع
الشب مصروع ماخذ موقف زي كانو مخدوع
عايش بوحدة زي جذع مرمي من شجرة مقطوع
معروف وين الرجوع الوعي واللاوعي سرحان
قد ما فقد بطل عارف ايمتى فرحان وزعلان
بتحسو شمتان وشايف قرار الإختفاء سليم
قد ما نام نعسان وبحلم انه صار حليم او كليم
العالم معو لئيم مزبوط هاظ مش مبرر
ضايع عشان كل شي مربوط ومتكرر
مخبوط ومتخدر مع انه مشروع ومتكسر
محطوط ومتمسمر بس الشجرة بتعمر
الصعوبة والتعقيد بتزيد كل لحظة باليوم
مهو اصعب العطش قبل ما يخلص الصوم
ما بنقي دايماً بوخذ من راس الكوم مش فارقة
هي هي زي الدقايق والثواني والساعات مارقة
حتى الاغاني والعاهات بيجي موعد وبتخلص
السيف قطعك لانو الوقت بسرعة بنقص
مجرد انو بفكر بالموضوع الحياة بتصير تمغص
قاطع العسل ما ضل عندو حبايب بطل يلحس
الناس بشوفو زي حوت وهو مفكر حالو فيل
عالحالتين كبير بس واحد بنفخ و واحد بشيل
بعرف الحرية بشكل ضئيل بعرف ممكن ينصاد
في الو صوت بس بعمرو ما كان استنجاد
جرب وما مشيت ما وصلو لهدرجة بالإستيعاب
صحيح حكاية و تف بس ما في بقصتي لعاب
أغلبها عذاب وتجارب وتحليل لخطوات بالعتمة
خلص انخنقت شكلي بس زورت بالكلمة
بغرفة مسكرة مربعة مضوية لا شباك ولا باب
محبوس وعندو أمل حتى بعد ما الشعر شاب
كل شي زي الشمس اجى القمر بعدها غاب
الغلطات كلها ندم نصها ألم تاب ولسه بتنعاد
ليش اتدور على شغلة بتنجاب