ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها
الحواس الخمسه عندي كلها مشغوله بوجودك، مو إليّه
إرخيصه العيون إلما تبچي إعليك وإتوزع دمعها، بكل مسيّه
إعيوني لو لا سامح الله باگت الدنيا دمعها، إشيبقه بيّه
إشيبقه بيّه
إعيوني لو ما طيفك بيمن يواسوني
لو تعوف إدموعك الله يعمي إعيوني
إلما بچت لمصابك إلمن إمخليها
إلمن إمخليها
ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها
عيني لو تجفي بطبعها إعليك ما ينزل دمعها، أنسه عيني
أجدامي لو ما تعتنيلك آنا ما أريد إلما تجيلك، توفي ديني
كلشي يمك بالنهايه ومو وسيله حسين غايه، بيها ديني
روحي تهجر روحي لو هجرت أيامك
أنسى بيك إجروحي من أعيش آلامك
يا دمعتي ونوحي وعبرتي من أجريها
وعبرتي من أجريها
ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها
إذني لو ما تسمع إسمك منها أنا أتبرى وأخدمك، آنا عهدي
بصدري لو ما بي علامه من اللطم فاگد كرامه، صعبه عندي
إچفوفي خرسه إبلايه رايه وإنذرتها من البدايه، هذا وعدي
هذا وعدي
إلما تشيل الرايه بچفي ما أرضاها
جدمي للمشّايه تمشي وأسعي إوياها
المحبّه إحچايه وبس إلك تدريها
وبس إلك تدريها
ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها
چفوفي تتلمس خيالك صوره تصنعها المآسي، ونحر دامي
من تحس بفيض دمك بعده فوگ الرمح يجري، ثغره ضامي
تضرب وتلطم صدرها وعالضلوع إتخلي أثرها، يا إمامي
يا إمامي
باللطم يكفيني آنا أقصر خوفي
لو ذكرت چفوفك أخجل من چفوفي
خُنصري إعلى يميني خُنصرك مو بيها
خُنصرك مو بيها
ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها
روحي إذا متذوب بإسمك ما تهيم بطيف رسمك، ما ردتها
نبضي من غيرك كرهته كل وجودي وياك كلمه، وردّدتها
الماي ما حس طعمه دونك كل حواسي إتحس مصابك، علّمتها
روحي إذا متريدك الله ياخذ روحي
كل حياتي بإيدك يا طبيب إجروحي
حيره إذا من غيرك يا حياة أگضيها
يا حياة أگضيها
ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها
أنذر أولادي بحضرتك وأفرح بمجلس عزائك، لو شفتهم
دمعه دمعه إتطيح منهم لوَن ما وفوا مصابك، أنا ما ردتهم
إلما يخدمك طول عمره گلبي من عنده إيتبره، فهّمتهم
فهّمتهم
دمهم البــالعاشر ينزف من الهامه
بالعشيره إنفاخر لو رفعنه القامه
يا يزيد الگادر ثورتك يمحيها
ثورتك يمحيها
ما أريد أيّامي إنتَ لو ما بيها
يا حُسين إعيوني إلما بچت أعميها
أني ناذر روحي بإسمك إمخليها
بإسمك إمخليها