Fennec Records
Blow wold
La3lam...
قاصد القليل ما تطفى نارو ، باعو هاد لبلاد أمانة خانو
يا تسكت اللّيل يا مور Les Barreaux يا تعشّي مقتول كيما لي كانو
شفنا قبالة الموت من صغري داير ، كاره هاد لبلاد بـ فلوكة رايح
حتموا عليّا و ماني بايع ، ما نبقاش هنا نكمّلها طايح
طاح بـ نبشة طاح بـ كيلو ، ما تلومو ما تستشفى
زاوالي و صغير يا حليلو ، لي بوساه الجوع و لحفى
لعجوزة تبكي و تدعيلو ، و الدمعة فـ العين ناشفة
قنطة تبكيلو ، واش داك لـ دي الحرفة parloir فالـ
اسمحيلي ما يرضّيك قولي ، على لي فات راني ندمان
أنا لي رخيس أنا لي دوني ، غدرتني صحبة الزمان
عيّيتك جوجمة و قفّة ، واش يكمّل هاد لعوام
مانيش حاب هنا نتوفّى ، باش نطبّق قول اللسان
ربّي برك يطوّل عمرك ، نرّفدك و نطوف الكعبة
بيك بـ ربّي نطلّع قدرك ، عـ الإيمان تقوى المحبّة
بـ سبّتها ضيّعت سنين ، la bonne فوك الشيرة فوك
فوك القاضي و القانون ، بـلا رحمة يبكّو الوالدين
كورسة لخرة تاع حياتك ، من الجامع حتّى لـ مقّبرة
نشوفو وين الرجلة داتك ، اسكو راح تفهم العبرة
ديالك وين راه ، هنا بعتوك بـ مورصو عفيون confiance الـ
هنا لي نصحتو يمّاه ، غلق راسو فتح سيلون
ثلاثمئة ترّاس في بيت ، و لّي يحكي فـ خوه ينسّي
، علاش جابوك علامن جيت نطيحلهم عاصي obligé
شبعت من النيّة و ترحيت ، جوابي كان انا تاع راسي
نكره دولة من لي كنت صغير ، ما تحيرليش مالا كي نباصي
فـ الصالة تعرف الفيد ، ونيسك راح وحدك تقاسي
جوع شوبازة مور ما دفّيك ، و عقليتك تاع برّا فاصي
كل مور قفّة كاين دمعة ، جرّوا عليك ونتا خاطيك
بلا رحمة عطاوك اربعة ، ضيعوا حياتك بـ تمنييك
تخرج للدولة عريان ، تكسيك زاورة فـ السّيلون
في الزنقة عندك عديان ، قوّادين بـ التيليفون
واش ذبني حبّيت نعيش ، كيما وليدك Par Example
واش داني للترويج ، لوكان جيت نتا Les Hommes
هنا شخشخ و أربط الجوع ، ابكي غدرة صحابك
هنا تشوف عباد من كل نوع ، ترضّي ذيب تعيش راسب
للـ عدويا ما نتمنّاش ، لهاد الدار ما فيها خير
لعبنا بـ النار ما عرفناش ، خلّينا لعجوز تحير
راني معاك الحبس للرجال ، كي تروح قضيّة شرف
بالاك طيح فـ القوّاد ، لمقودة تخرج شارف
هنا لي عندو المعريفة ، يخرج ما يشوف نهار خلاف
قلّيل طاح بـ تكيوفة ، شغل هو لي قتل بوضياف
شحال من واحد راو مظلوم ، يا سيدي الجوج ونتا عارف
بكّيت يمّاه و عليك اللّوم ، وكّل ربّي هو خالف
Mais f la fin ga3 taklou rachwa o lmizan raho me5dou3
عند مولاك توقف غدوة ، تتمنّى الحياة رجوع
تحلّبنالك اليوم بـCrime بلّي الدولة هادي عمية ،
بالاك تصرالك ما تدري ، ربّي يبعّد الحبس بليّة
شحال واعرة يمّاك تبكي ، مور الزجاجة بـ تيليفون
كل دمعة فـ قلبي تجي كـيّا ، عزاز عليّا هاد العيون
تختم القول ، اللّه يطلق سراح مسجون la fin في
راح بـ سبّة المسؤول ، لي فـي ظهر البلاد يخون
الله يصبّر الوالدين ، و يغفر لـ جميع ندمان
و يثـبّـتـنا حنا على الدّين ، و نشدّوا وصاية لقمان