The Synaptik - كارانسي (مع جاز ذا بروسس)

Kishore Kumar Hits — The Synaptik - كارانسي (مع جاز ذا بروسس) lyrics

Artist: The Synaptik

album: ما قبل الطوفان

بهالمدينة ناس تحت وناس فوق
ناس بتموت لتجيب القرش
وناس القرش فيها بموت
ناس عندها سفن ويخوت
وناس ما عندها حتى بيوت
نذالة هاي وسفالة
لا حدن حقاً موجود
والله ورب المعبود
من جوه انا مضغوط
عم بشوف ابوي بطارد حتى يلحق عالمصروف
وانا براكض ورا الشهادة ف اعمل معي معروف
ما ترميني ببحر البطالة يا كوكب فضلاً ارجوك
عم بدور على ادلة
بعيون الميت من قلة
وعيون الغرقان بالطرف عم بدور على حكمة
بس بعيوني التحت غضب
وبعيوني الفوق عملة
عالم منعكس عن بعض
والفاصل بينهم جملة
او احياناً حتى كلمة متل عبدون كيف وادي؟
صرت دون تحت الجسر وخط الفقر كثير واطي؟
شيل واقي صرت هون صرت فوق صرت عالي
شرق عمان غرب عمان
اللي بينهم اكبر من مسافه
تعبان انت؟ زهقان انت؟
قتلت حالك عالتوجيهي
وبتدرس موازي هسا
وصاحبك ضلو نايم
وطلعتله منحة
مقعد من واحد واصل هيك اجاه فزعة
طيب هي اول خازوق اكلناه بسرعة
وثاني خازوق زادولنا الجرعة
لما عرفنا انو هوب هالحياة لسه
رح ناكل مية خازوق من كل جمعة لجمعة
حبيبي واحنا لسا بأول حصة بأول سطر من القصة
مع نهاية اول فصل رح تتعلم اننا لسه
عم نتشرد مبادئ من قانون شرع الغابة
حتى صرنا حيوانات القوي فينا هو السائد
ضعيف فينا تحت الارض
حدثني عن العدالة
قلي اذا انت شايف
مين على الارض حافي
لما ناس بتموت من السمنة
وعندك ناس بتموت من الجوع
هالحضارة ماشية غلط قد حان وقت الرجوع.

Поcмотреть все песни артиста