Cairokee - نقطة بيضا - كايروكي من الاستوديو

Kishore Kumar Hits — Cairokee - نقطة بيضا - كايروكي من الاستوديو lyrics

Artist: Cairokee

album: كايروكي من الاستوديو

في صوت جوايا بيناديني من بعيد
سامعه وعارفه كويس بس أنا عامل عبيط
نقطة بيضا في وسط سواد
إنسان بينادي جماد
هو البراءة والسذاجة وأنا الدنيا الكدابة
عايش معاه في سجن وأنا السجان
معايا مفاتيح كل البيبان لكن جبان
أنا الجاني والمجني عليه
أنا كل الأسباب ولسه بسأل ليه
هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
جوايا إتنين وأنا التالت والتالت دايمًا ساكت
سلم بطل يتكلم ولا بيحس ولا بيتألم
جوايا عقل وقلب دايمًا عايشين في حرب
قلبي حاسس بالذنب وعقلي واخد جنب
والدنيا ماشية عكسي لفيت ومشيت معاها
وبعت أنا نفسي، نفسي خليتني أنساها
لبست وشوش تانيين نسيت في الأصل أنا مين
فقلت أرجع من تاني للنفس اللي بتعاني
هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
مهما جريت أو هربت
هو أنا وأنا هو، هو حرب دايرة جوة
جوة مني وبتقتلني طول الوقت
هو ضميري بيأنبني في كل مكان بيطاردني
مهما جريت أو هربت

Поcмотреть все песни артиста