Cairokee - مربوط بآستيك - كايروكي من الاستوديو

Kishore Kumar Hits — Cairokee - مربوط بآستيك - كايروكي من الاستوديو lyrics

Artist: Cairokee

album: كايروكي من الاستوديو

نفس المكان بس اليوم جديد
نفس الحفلة وأنا كالعادة وحيد
نفس البنات والحكايات مع إختلاف الاسماء
مزيكا بترقص، زحمة تفطس والناس على بعضيها بتبصبص
ده بينفسن، دى بتلسن والجو مكهرب ومتنشن
دخلت واحدة شكلها غيرهم
باين قوي إنها مش منهم
أجمل واحدة من غير مجهود
لابسة عادي، شعرها مربوط
مربوط بأستيك وسط ناس بلاستيك
كله عامل فيها مستر boombastic
مربوط بأستيك وسط ناس بلاستيك
كله عامل فيها مستر boombastic
♪
عيني جت في عينيها وحصل زلزال وشبطت فيها زى العيال
بس العيال كتيرة وبيسفوا وبيعاكسوها ويستفزوا ومع المزيكا بيهزوا
اللي ضرب شوطين والجرأة سايقاه واللي شد لاينين والثقة واخداه
هدوم غالية وناس رخيصة وكله هايص أكيد في الهيصة
عينى جت فى عينيها من جديد
إتكسفت بصت بعيد
حصلت مفاجأة فكت شعرها فجأة
وسط المكان بعد ما كان
مربوط بأستيك وسط ناس بلاستيك
كله عامل فيها مستر boombastic
مربوط بأستيك وسط ناس بلاستيك
كله عامل فيها مستر boombastic
♪
حاولت أفتح كلام معاها لكن تنحت
بصتلي بإحتقار من فوق لتحت
قولتلها أنا غيرهم، أنا مش منهم
وأتاري مفيش فرق بيني وبينهم
مربوط بأستيك وسط ناس بلاستيك
كله عامل فيها مستر boombastic
مربوط بأستيك وسط ناس بلاستيك
كله عامل فيها مستر boombastic
مربوط بأستيك وسط ناس بلاستيك
كله عامل فيها مستر boombastic
مربوط بأستيك وسط ناس بلاستيك
كله عامل فيها مستر boombastic

Поcмотреть все песни артиста