Cairokee - Yalla Neghany - Lyrics, Similar artists

Kishore Kumar Hits — Cairokee - Yalla Neghany lyrics

Artist: Cairokee

album: The Ugly Ducklings

أخرتها إيه؟
ما بقيتش قادر على السكوت
كرهت الأمل
ولا هو عايش ولا بيموت
سألت نفسي كل الاسئلة البديهية
إنتَ مين، إنتَ ليه جاي الدنيا ديا
بتغني للشهرة فلوس ونجومية
ولا صاحب قضية
مصدق فعلاً في أغانيا
والإجابات كلها عكس عكاس
إجابة من دماغي والتانية بالإحساس
والتالتة متوسطنة على الميزان بالمسطرة
كل الأفكار جوايا راقدة متكدرة
مخنوق والطريق مسدود
لازم توطي راسك عشان تفوت
لو مش مصدق بص لفوق
هتشوف نجوم عنك بعيدة
نورها زي قلته ما يبينش الحقيقة
لكن إحنا الشمس ورحنا وراها نتحرق
ننور سماها كل يوم يعدي نروح نموت فداها
يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال
يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال
ببص في المراية وخايف عيني تيجي في عيني
مكسوف من نفسي، بهرب منها مهما تناديني
أنا بغني ليكم ولا بغني عليكم
أحمي نفسي أنا ولا أحميكم
مش عاوز أبقى نجم من النجوم
وأزين العتمة وسط الغيوم
مش عاوز أعيش كدبة كل يوم
أو حلم جميل خايف منه هقوم
أنا عاوز أكون أو لا أكون
يا أعيش حر يا أعيش مدفون آه
زهقت من المواربة والفكرة الشاردة
جوايا حرب باردة وأفكار كتير معاندة
مزنوق في خانة اليك، مش لاقي منها خارجة
والفكرة لسه صامدة مهما العمر يطول
جوانا عالم وحياة ممنوع يا ناس تتعاش
جوانا فكرة في مكانها بس ما قلنهاش
جوانا منطق عايز يبدأ كدبة كبيرة
دايماً تسبق تقولك إلحق غيرك أشطر ما تحاولش
يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال
يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال

Поcмотреть все песни артиста