Cairokee - Dinosaur - Lyrics, Similar artists

Kishore Kumar Hits — Cairokee - Dinosaur lyrics

Artist: Cairokee

album: Dinosaur

حاسس بتوتر والأمن مش مستتب
قلبي بيدق بسرعة، دب دب
يا ترى دخلت في bad trip
ولا البلد دي قلبت سيرك
سقف الإنبهار فيها فرتك الترنك
في كل خطوة بتموت حتة في قلبي
الناس في الشارع شبه الزومبي
والعالم حوالينا بيجري وإحنا لسه علينا بدري
عايشين وبنقاوح في العصر الحجري
أنا مش هستغرب
لو شوفت ديناصور أو بطريق
عالناصية وبيسكور
أنا مش هستغرب
لو شوفت ديناصور أو بطريق
عالناصية وبيسكور
♪
جريت من الديناصور وروحت لأبو الهول
خبطت عليه صحيته من سبعتلاف سنة نوم
حكيت له عن حالنا وأحوالنا
واللي وصلنا له في زماننا
وعن قد إيه إحنا إتبهدلنا وإتهانا
من أثر الصدمة
أبو الهول جات له جلطة وضغط، وكوليسترول
وشلل رعاش من الأوباش اللي خلوها متسواش
قلت له إمسك نفسك أرجوك متسيبناش
آخر كلمة قالها لي بحسرة وتحفظ شديد
إجري ياد من هنا روح إلعب بعيد
ده أنا لولا دماغي إللي ساحت
ومناخيري اللي راحت
كنت سمعتك صوت جديد
أنا مش هستغرب
لو شوفت ديناصور أو بطريق
عالناصية وبيسكور
أنا مش هستغرب
لو شوفت ديناصور أو بطريق
عالناصية وبيسكور
♪
بقلب في القنوات عشان أقتل الوقت والملل
نفس النفاق، نفس الفساد، نفس الغباء والهبل
على قفانا بياكلوا عيش واللي يطبل يعيش
الأقرع بيقول نفس كلام أبو شعر كنيش
بيجيبوا اللي فيهم فينا بعد ما باعوا أراضينا
قال إيه بيقولوا علينا شباب معندوش إنتماء
والمذيع بيقول ماء ونفس الإستكش بيتعاد
والكفته يا ناس بقت علاج وتحيا مصر تلات مرات
أنا مش هستغرب
لو شوفت ديناصور أو بطريق
عالناصية وبيسكور
أنا مش هستغرب
لو شوفت ديناصور أو بطريق
عالناصية وبيسكور
أنا مش هستغرب
لو شوفت ديناصور أو بطريق
عالناصية وبيسكور
أنا مش هستغرب
لو شوفت ديناصور أو بطريق
عالناصية وبيسكور
أنا مش هستغرب

Поcмотреть все песни артиста