Sheikh Imam - Bahebek Ya Bent - Live - Lyrics, Similar artists

Kishore Kumar Hits — Sheikh Imam - Bahebek Ya Bent - Live lyrics

Artist: Sheikh Imam

album: Bahebek Ya Bent (Live)

حبيبتى اللى هيا
حبيبتى اللى جاية
يادايماً عروسة
ودايماً صبية
بحبك يابنت
بحبك أوى
مصحصحنى حبك
وفاهم أوى
أنا أصلى عاشق
و سهم الهوا فى حشا القلب راشق
وعين المحب العليل الكليل
تفرق مابين الظنون و الاصيل
انا بقا حسب عقلى حاسب ميعاد اللقا
وشايفك قمر
ملو ليل الشقا
وشايفك ملاك للهموم والتعب
وجايبة الهدوم للعيال واللعب
وشايلة ابتسامة وثوب للفرح
ولون الربيع فوق خدودك طرح
أنا أصلى شاعر
وشايف بعينى الخيال والمشاعر
سنتنا الجديدة هتحبل وتحزق
وتولد قصيدة
انما مش قصيدة هزار
قصيدة مخاض و أنتفاض وانتصار
وشوفت القصيدة
مزارع سعيدة
بتسرح وتفرح
وتطرح صبية
صبية شقية
شقية وعنيدة
وتكبر وتكبر سنين كل يوم
تبربش رموشها الطويلة المديدة
تصيب القمر فِ السما والنجوم
صبية ولا كل من قال صبية
عليها ابتسامة تزيح الهموم
بحبــك يابنت
بحبك صحيح
بعقلى المتيم
وقلبى الجريح
وجرحى اللى بيكى
بينزف صبابة
ازيد عشقي بيكى
وشوفى الغرابة
نزيف المواجع
و نوحي الربابة
وتنزل دموعى
وشوق الصحابة
اغنى وابشر
بشمس الغلابة
ياليلى ياعينى
ياليل الديابة
مابين يوم وليلة هتطلع بهية
مابين يوم وليلة هتطلع بهية

Поcмотреть все песни артиста