Er wohnt seit zehn Johr do
Doch woaß net genau warum
Koana loddna ei außa da Landfrau'nbund
Aba do hoda scho olle ghabt
Er setzt sei Basknmützn auf
Und schaud auf guad
Glück nauf ins Schützenhaus
Da François hods schwaar, dem Bayrischn ned mächtig
Filterlose Gauloises und seine Weine san' verdächtig
Da Ferdi hoid eam's G'wehr hi'
Des oanzige boarische Wort des a konn is "Merci" (Mercee)
Er zielt und druggt ob nacham viertn Stamperl
Dawischt ned de Scheim sondan an Bierfaher Andal
Es is mucksmeisalschdaad sei komplette
Entourage schaud nüba zum François und der sogt "ulalalala"
As Gschroa is riesengrouß da Andal bliad am rechtn Unterarm
Wie soi i denn bloß moang alloa mei näxte Rundn fahrn?
Schoitn und Lenkn mit nur oana Hand, des is hoid a wenge schwaar
Noch dera Blamage fia an François zoagda Courage voada Bagage
In da Garage schdähda parat am näxtn Dog in da Fria
Er woit nia an Job doch etz hoda oan kassiad
Bierfahrerbeifahrer
Bierfahrerbeifahrer
Bierfahrerbeifahrer
Am Bierfahrer sei rechte Hand
Long lebe da Ganghebe da Franze schoit in sechstn
Und übersetzt im Feuilleton von Bertl Brecht a G'setzl
In da Rechtn an Sauvignon Blanc aus da südlichen Provence
Aba des schmeckt am Anderl goa ned, er valiad de Contenance
Du saufst di in Trance und i muaß städnig foahrn
Unsa arbatsaufteilung is a weng aus da Balance
Da Franze sogt oui oui und schenkt se no a Schlückerl ei
Da Anderl meydna einfach o fian Lastwongführerschein
Aba da Franze simuliert Probleme mit da Sicht
So kimmt a zua nächsten Schicht mit oana Aungklabbn im Gsicht
Da Andal sogt: "Etz glangts fei, vaoasch mi net de ganz Zeid
Du host koa grauer star vo de Schwarz-Weiß-Filme aus Frankreich!
Da Franze lasst an Lasta o und innerlich do da lachda scho
Da Prüfer konns ned fassa sogt: Monsieur si ham ja Glabbal o!
So foida durch bevor a überhaupt rausfohd
Da Plan geht af er b'hoid si sei Traumjob ois
Bierfahrerbeifahrer
Bierfahrerbeifahrer
Bierfahrerbeifahrer
Am Bierfahrer sei rechte Hand
Oisse bleibt wias is da Anderl nimmt des Ganze locka
Nochm letztn Stop bleims noch auf an Schoppn hocka
Wein zum dringa is fian Anderl immer noch recht seydsam
Drum hauds eam zwecksdm Mischkomsum as Gschdey zam
Rien ne vas plus, da Franze decktn zua
Kokketiert mit da Wirtin aba nixe kimmd retour
Am Andal sei Handy leit, der drammd no aufn Diwan
Da Braumoasta ruaft o er geyt hi und und frogt: "wos isan?"
Do Nachbarverein hod in da Nachspuizeit d Relegation verlor'n
S'Bier is aus es muaß a Nochschub rei des wead a Nachtschicht fia eich zwoa
Da Andal aufm Kanapee schreit "Andale! Andale!"
"I kanndnd nimma fohn sogoa wenns iangdwie no gangad hä"
Da Franze dreht an Schlüssl um gibt Gas sie san vom Hof grollt
Kupplung fongt zum stinga o und koana hot si ogschnoid
Er manövriert ois häd a nie wos andas drimm
Doch aufamoi gibts a Fröschewanderung vo Oberframmering
Ois Connoisseur dafoda koane Delikatessen
Er weicht aus da Wong foid um in hohm Bogn fliang de Kästn
As Führerhaus lodert da, François kimmt aussagrocha
Sei rechta Oam is dopped brocha, trotzdeym konna locha
Ziagtn Andal aus de Flamman und griagt Genshaud
Weila woaß dasa nua sei linke Hend braucht ois
Bierfahrerbeifahrer
Bierfahrerbeifahrer
Bierfahrerbeifahrer
Am Bierfahrer sei rechte Hand
Ois wie ghabt zwoa linke Hend schaun nachm Recht'n
Einarmige Banditen de si mittlerweile schätz'n
Sie trottn aufm Trottoir koana konn ihr Glück vaschdeh
Wenns mideinand a Dragal drong muass oana imma rückwärts geh