Angelita Wenuman (Víctor Jara)
Traducción de Elicura Chihuailaf
Para el libro "Víctor Jara -Canto Libre"
Pokuno pu illaf mapu
Chew trefküpeyün lafken kürrüf
Chew mawun tremümpemün kalmiñ
Müley Angelita Wenuman
Rangi mañiu egu walle
Ngefün egu ka chi pütrantu
Rangi küme würwan chilko
Müley Angelita Wenuman
Kechu trewa zapiniyetew
Kiñe püñen eletew ñi ayün
Azümfal ñi tukukan reke
Muñku mapu wallküley ta ina püle
Koskülla ñi kelü molfün
Witrulelley Wenuman ta ñi kalülmew
Ina pelom azkintuwe
Ngürekelley ñi mongen Angelita
Ñi epu kuwü purukelley ta ñi füw mew
Panü toki ñi müpü reke
Rüf afmatufal ñi ngürekan lle
Tañi witral mew Angelita
Müley antü külle ka arof
Kimfalmalllay ta ñi kuwü
Fey tüfa ta ñi zewmaken ñi pu che
Rupan fentreke küyen küzaw
Küpan kintulelley ngilikafe
Nürüftukulechi üñüm reke
Ülkantukey nga iney ño zoy kulliaetew
Rangi mañiu egu walle
Ngegun egu ka chi pütrantu
Rangi küme würwan chilko
Müley Angelita Wenuman
Angelita Huenuman
En el valle de Pocuno
Donde rebota el viento del mar
Donde la lluvia cría a los musgos
Vive Angelita Huenuman
Entre el manío y los hualles
El avellano y el pitran
Entre el aroma de las chilcas
Vive Angelita Huenuman
Cuidada por cinco perros
Un hijo que dejó el amor
Sencilla como su chacrita
El mundo gira alrededor
La sangre roja del copihue
Corre en sus venas Huenuman
Junto a la luz de una ventana
Teje Angelita su vida
Sus manos bailan en la hebra
Como alitas de chincol
Es un milagro como teje
Hasta el aroma de la flor
En sus telares, Angelita
Hay tiempo lágrimas y sudor
Están las manos ignoradas
De este mi pueblo creador
Después de meses de trabajo
El chamal busca comprador
Y como pájaro enjaulado
Canta para el mejor postor
Entre el mañío y los hualles
El avellano y el pitrán
Entre el aroma de las chilcas
Vive Angelita Huenuman