A ddunit ḥbes ad rseɣ
Dayen si tuzya-m aɛyiɣ
Sareḥ-iyi ad am-sareḥeɣ
Xas mazal yidem ur ttefriɣ
Ur yelli deg-m ay ɣeltaɣ
Ur yelli seg-m ara awiɣ
Deg wayen akk arǧiɣ uyseɣ
Assirem ẓẓay dayen keniɣ
Aɛyiɣ seg-m dayen aɛyiɣ
Am leǧruḥ warǧin yaḥlan
Fes-iyi leqid asent- fesiɣ
T-id iyi i sekarsen wussan
Seg wayen iyi-d seqqaḍ arwiɣ
Xas ma kulec d acaɛtan
Siwa ayen arẓagen ay swiɣ
A tin iwumi zzin waman
A ddunit ḥbes ad rseɣ
Ɣef iɣes-iw yezwi weksum
Infeq zeman di tefekka-w
Anda iyi izgel unezgum?
Anda iyi iban wayla-w?
Cebiɣ tejra cilmun
Yemmeč uzeǧǧig di tseḍwa-w
D zehar id yir amcum
Tewwet ṣaba di lemaḥna-w
A ddunit ḥbes ad rseɣ
Intas yesleb neɣ yetlef
Inn-it a wid yeqqaren
Mi i truḥ tekfa ad as-yexlef
Yeẓaǧǧaw deg imeṭṭawen
Tarwiḥt deg inijel ay teṭṭef
Fell-as ḥemlen-ed isafen
Win ifhmen ad yessuref
Wiyaḍ anef ad aɣ-cemten
A ddunit ḥbes ad rseɣ
D ucmiten i yettcemiten
D imaɛfan ifuken aman
Win yeddan ad win yumsen
Iɛemmed ad teḥazen ilefḍan
Ad kem iyi s bbuben
S temara-nni id iyi rran
Ugadeɣ t-id nniḍen
Smeḥaɣ-am beru-iyi kan
A ddunit ḥbes ad rseɣ