كنت كاره هالمجتمع،يائس ومسلمه لربة
بس شفت الوضع ميصرف فقررت اجرب احبه
عالطريقة البيها تربى، فبداخلي صارت رغبة
ان كل ما يزيد حبي انزل للشارع واغتصبة
وادوس بخطواتي دربة مثل ما راد على خطواتي يدوس
من باب الحب والحرص لانه ادرة بمصلحتي
هو راد يعيشني حياتي الوحدة باكملها محبوس
اقدملك نفس الدروس
مجانًا بلا فلوس
هالمرة الدور معكوس"هالمرة تسترخصلها"
فحير وياية ولا تحير "بهالمرة تستر خصلها"
فكر لوهلة كيف القبلي والوياية عانوا
حتى يرضوك وما ترضى لذا "جاي وياك احلها"
"چا ويا اكحلها" انا اعميها لعيونك الماشافتني
لانها التهت بالوادم واهلها
افتح الموضوع اولها،بس قبلها افتح غيرة
افتح عقلك النگس ويضل قذر تفكيرة
انا المجنون بعالم عاقل بالجنون
انا المسجون بديرة شوارعها السجون
وهذا اليوم البي احرر حلمي من واقعهم يلي
خلّة كل احلامي حرفيًا بس وكت النوم
"بس وكت النوم"
الكُل يگلي هاجر،ينصحني اكمل برا
طيب منو الخلف هاجر؟؟ليش الكُل منها تبرى
وين الاكي ولي امرها معقولة محد الها
ولة يمكن عقلهم مبرمج هالاسم عورة
وانا هم باقيلي ذرة من الامل،فحـ انسى اسمها
لكن مو وسط هالبقعة يمكن طايفة بغير مجرة
عمري وعمرة بيناتنا الموت يفصل بشعرة
واني داري يفضلون موتهم على وجودي وهمة ادرة
والكلمة الحُرة كارهها لان تحرگ ما تبرد
بس هي المسكن لحروفي بغير كلمة حروفي تتشرد
حتى بنصيحة اقرب صديق گَلي اتركها
وانا اليوم تركته من عرفته ساكت ما يتمرد
يلا تبغدد،جايك مجرم من بغداد
ايست من التعيين فقررت اشتغل جلاد
دامي بظل بهالبلاد ما حيهددني سجنها
لاني من الولادة فيها منسجن فانا معتاد
انا المجنون بعالم عاقل بالجنون
انا المسجون بديرة شوارعها السجون
وهذا اليوم البي احرر حلمي من واقعهم يلي
خلّة كل احلامي حرفيًا بس وكت النوم