انا الاصيل
انا الجدع صاحب الجميل
انا السند وقت اللزوم
انا اللي متخليتش يوم عن الصحاب
اللي باعوني في شدتي
ياناس سابوني
بس بكره هتعرفو وتعرفوني
ان انا ماليش بديل
ضرب الاصيل المثل طلع الكلام موزون
لا الندل عمرو هيوفي ولا ابن الحرام هيصون
لو كان معايا المال كنت اشتري العفة
مش اجبلي كم طبال والف في الزفة
عجبي عليك يا زمان بتعلي في الملعون
أما الاصيل الجدع الله يكون في العون
شوف شوف شوفت الندل ابن الاندال
ما بلاش الواحد يتكلم
لف العمة وحط الشال كل الناس قالت ده معلم
كوكتيل شر على كذالون بنشوف البشر انواع
في اللي بيغدر واللي يخون ويلي عايشها بالدراع
عيني على بحر الدنيا يا خال بيعلي اللي أساسو شمال
وعشان معدني سندال غطسان فيه ومش عارف افوق
واللي أساسو ومعدنو قش ظاهر وطافحلنا على الوش
على قد أما تخون وتغش على قد أما هتطلع فوق
ارقامكم مش عالتلفون في الثمتيل كنتم فظاع
انتو اندال جوا الكون ده سؤالكم حب استطلاع
احذر من صاحب شمال وقت وقوعك يرفع راية
غلطة اني عاشرت ناس واديتهم مكان جوايا
عيني ع اللي بيحسبها يا دوب راضي بقدره و بالمكتوب
الدنيا تحذفو بالطوب صابر لسه بيقول يا رب
عيني ع اللي عايشها بالمقلوب بالجدعنة تعبان مضروب
وسط الناس ديما معيوب اخرتو ده هيموت م الضرب
اهلا بيكو يا صحاب الكيف ما قابلتش فيكو حد نضيف
بيصون العشرة والرغيف شكل الاكل ده كان على جوع
مرحب باللي بأقول خواتي صبولي مر في كل كساتي
طلعوا اندل ناس في حياتي منكم قلبي أنا موجوع
في مرايتي بقول ايه يا حزين ضيعت سنينك عالشقى
علشان ترضي في ناس ملاعين مكفاية وشوف نفسك بقى
دول صاحبوك علشان جنيهين دول جمبك وقت الشبرقة
فوق واعرف بتعاشر مين دول خلقة أونطة وضيقة
لما بفضفض ليه واحكيلكو بتحسبو ليه اني أضعف منكو
قريب هرد جمايلكو وتتبدل بينا الكراسي
بتقولو ليه ان انتو نضاف فعلا باين الاختلاف
لو طولتوني هتاكلوني حاف قلبكم ليه ديما كده قاسي
يا ما ضيعت عليكو خرجات يا ما بديتكو كثير عن نفسي
ياما فرتكت عليكو كلشات كان لبسكو ديما من لبسي
أما انتو عليكم حركات سبتوني لما لتقطع حسي
حقكم تسبوني بالذات بعد ما شوفتو وش رومانسي
هقلب وشي خلاص واتحول عمري ما هرجع زي الاول
حقي ده جاي و مش هيطول هنروح مع بعض على فين
غلطة بموتة مش غلطة بغلطة يا صحاب كسر وكلو اونطة
لا عجبتني بجد النكتة بتقولو انكم سالكين
متغرب بقالي سنتين مطحون طحن وطالع عيني
فاكريني سعيد ده أنا حزين من ثانية تعدي من سنيني
امي حبيبتي دي مني العين لما بكلمها تمسيني
بعد غياب وطول سنين جايلك يا ما انتي واحشتيني
انا تعبان لكني انا اخاف لما رجعت لاقيتها توفت
من الصدمة بقيت بتلفت يمكن حواليا أنا المحها
ده حبيبتي اللي انا عايز اخطبها شقيان في الغربة علشانها
شفتها في الكوشة بفستانها معلش بقى الله يسامحها