نجيبها شمال يمين ونتحايل سنين
وزي ما هي هي الدنيا لسة ملطشة
إتعلمنا العذاب زي ما قال الكتاب
نشوف الجرح بس الفرح صورته منغمشة
في وسط الدنيا دي طيشة بنتحايل على العيشة
نقول بكرة هتتظبط نلاقي الحالة زادت سوء
ما ضحكتش الحياة مرة جراح جوة وجراح برة
ونتكعبل ونتلغبط وتضرب فينا تحت وفوق
واخدنها كعب داير وخلاص دابت كعوبنا
مش هتهم الخساير ونخلص من تعبنا
واخدنها كعب داير وخلاص دابت كعوبنا
مش هتهم الخساير ونخلص من تعبنا
نجيبها شمال يمين ونتحايل سنين
وزي ما هي هي الدنيا لسة ملطشة
♪
ماشيين جنب الحيط، راضين بالفتافيت
مش عايزين من الدنيا دي حاجة وبندور عالستر
إحنا عشان القوت ما بنشقاش بنموت
لو يوم نفرح نحزن مية ومش ماشيين عالسطر
عذاب معمولنا تفصيل، شربنا المر دوقنا الويل
ولسة الدنيا ما إدتتناش ولسة الرجل شايلانا
ده لو نفرح بإعجوبة بتبقى الفرحة محسوبة
يا دوب كام لحظة وتعدي وهم الدنيا جوانا
واخدنها كعب داير وخلاص دابت كعوبنا
مش هتهم الخساير ونخلص من تعبنا
واخدنها كعب داير وخلاص دابت كعوبنا
مش هتهم الخساير ونخلص من تعبنا
نجيبها شمال يمين ونتحايل سنين
وزي ما هي هي الدنيا لسة ملطشة
نجيبها شمال يمين ونتحايل سنين
وزي ما هي هي الدنيا لسة ملطشة
إتعلمنا العذاب زي ما قال الكتاب
نشوف الجرح بس الفرح صورته منغمشة
في وسط الدنيا دي طيشة بنتحايل على العيشة
نقول بكرة هتتظبط نلاقي الحالة زادت سوء
ما ضحكتش الحياة مرة، جراح جوة وجراح برة