Heischneida

Kishore Kumar Hits — Heischneida - Schau i nauf lyrics

Artist: Heischneida

album: Heischneida II

Schau i nauf zu de Schdean
Kunnd i direkt neidisch wean
Sie leichdn häi und voia Freid
Wei's weid weg san vo de Leid
Aba i lieg herunt
Bin ned grang doch a ned gsund
Bin sau miad vom nix doa
Und wa gern so aloa
Aba wenn i so deng
Dass i do omad heng
Vo da Fria bis auf d'Schbad
Des is scho ganz sche fad
Ohne Brotzeid, ohne Bier
Ha, des gang bei mia gor nia
Schau i owe an Sää
Hupfan d'Fischal ad Häh
Dauchan ob, dauchan auf
Und foing am Wassalauf
Aba i hogg dahoam
Bin oid und gwambad woan
Und i frog mi wia's is
Wa i schnäi wia so a Fisch
Aba i muas scho song
I kunnd mi ned so blong
Oamoi unt, oamoi om
Imma sauwa gegan Schdrom
Und nua Wassa gegan Duascht
A, de Fisch de samma wuascht
Schau i an Himme nauf
Foin mia de Vegal auf
Wia's ihre Kreise ziang
Und in Richtung Süden fliang
Aba i bleib am Bohn
Wo i 20 Johr lang scho wohn
Schau de säibn Heisa o
Weil i ned wegflinag ko
Aba wenn i sinnia
Kost des fliang gwies väi Mia
Braucht ma echt koana song
Dass si Vegl ned blong
Und koa Hand frei fia mein Gruag
Na, vom fliang hob i scho gnuag

Поcмотреть все песни артиста