Goriong Talas:
Nayanig ang mundo sa paglindol, pagkidlat at pagkulog
Mula sa dilim biglang lumitaw ang apat na ministro ng tunog
Dala ang tambol, mga palakol nag-aabang maihampas
May kasamang sigaw at batingaw, na may tugmaang katumbas
Mataas na uring nilalang, kayo'y mga tipak lang
Dugo namin ang siyang bumuhay sa lupang sobrang tigang
Bulilyaso mga payaso, pati mga duplikado
Ito na ang tamang panahon, para sa mga illustrado
Huling hithit ng yosi, humanda sa pagpitik
Parang leeg ko baliko din, lahat ay tagilid
Kosensiya ko'y panay sigaw, dati pa ako nabingi
Makata nga pero mas litaw na salbahe mag-isip
Matinding kinangina sa paglikha ay makina
Tigasin at pinagisa Pamilya Dimagiba
Lahat sibak sa pagbitaw, sabog kaagad walang mitsa
Illustrado kilalanin niyo, mga tenga ay amin na
Tunog na pansamantala sa pista ng mga bulate
Wala nang para sa amin pampubliko na biyahe
Nagsimulang pulo, matatapos na said
Nagumpisang buo, matatapos na patid
Malinaw bang wala ka ditong mapupulot sa halip
Ikaw ang pupulutin sa daan na pabalik.
Iniluwal ka na tulog, kung iyong alalahanin
Nagising ka sa taong dalawang libo't-labing anim
Nagising ka sa taong dalawang libo't-labing anim