Bigla nalang silang sumugod sa loob ng aking tahanan
Mga naka itim na Amerikana, ako na ba'y mamaalam?
Ito na ba ang parusa para sa samu't saring kasalanan?
Di nagtagal yung mukha ko'y dumikit sa kanilang talampakan
Sinubukan kong kumalas habang kinakaladkad sa sahig
Ilang beses binugbog kaya may dugong lumalabas sa bibig
Naninikip ang dibdib, paningin ay unti-unting lumalabo
Pagdating sa labas ulo ko'y biglang binalutan ng sako
Tinali ang mga paa't kamay at sa sasakyan ay pinasok
Pinilit ko pa rin tumakas, dun ko naramdaman ang palo
Ng isang bakal na tubo diretso sa aking sentido
Tuluyan nang nawalan ng malay pagkatapos ko mahilo
At ako'y nagising dahil sa kanilang mga sigaw na malakas
Kung hindi daw ako papalag mabilis akong makakalabas
Pagbalik ng aking kamalayan dun ko nalaman ang kwento
Ako'y nasa laboratoryo at parte ng eksperimento
Sila'y natatakot sa hindi nila naiintindihan
Kaya ang kanilang hangarin ay ang aking katapusan
Gagawin nila ang lahat para ako'y matulad sa karamihan
Masyado nilang minaliit ang aking kapangyarihan
Sila'y natatakot sa hindi nila naiintindihan
Kaya ang kanilang hangarin ay ang aking katapusan
Gagawin nila ang lahat para ako'y hindi na sumuway
Pag lumabas ang tunay kong anyo, walang maiiwang buhay
Nakahiga sa bakal na kama at nakakadena ang katawan
Ang daming mga nakapalibot sakin, tila inooperahan
Yung isa sa kanila ay may hawak na patalim na duguan
Agad kong nalaman na ang ulo ko pala ay binuksan
Aking utak ay pinag aaralan lahat sila ay nakatutok
Sinubukan kong lumaban at dun ako biglaang tinurok
Hindi nagtagal higaan ko'y dahan-dahang inangat
Mga talukap ng mata ko'y ginupit at ako ay tinapat
Sa napaka laking telebisyon na ang tanging pinapakita
Ay ang iba't ibang galawan ng mga payaso sa eksena
Sabay sinabi nila na ito ay panibagong panimula
Isang proseso para gawing akong kaakit akit sa madla
Tangina! Hindi ito ang inaasahan kong tadhana
Makakalaya lang daw ako kapag pumirma sa kontrata
Kailangan kong tumakas dito bago pa mas lalong lumala
Laking gulat ko dahil paningin ko'y naging kulay pula
Sila'y natatakot sa hindi nila naiintindihan
Kaya ang kanilang hangarin ay ang aking katapusan
Gagawin nila ang lahat para ako'y matulad sa karamihan
Masyado nilang minaliit ang aking kapangyarihan
Sila'y natatakot sa hindi nila naiintindihan
Kaya ang kanilang hangarin ay ang aking katapusan
Gagawin nila ang lahat para ako'y hindi na sumuway
Pag lumabas ang tunay kong anyo, walang maiiwang buhay
Tumubo ang mga pangil at humaba ang lahat ng mga kuko
Nararamdaman ko rin ang pagtagos ng aking mga buto
Mabilis na tumakbo ang mga tao pero walang nakatakas
Bawat isa sa kwarto ay matinding karahasan ang dinanas
Dinukot ko ang kanilang mata at hinugot ang bituka
Ito'y nararapat na kapalit sa binigay nilang pagdurusa
Ako'y nabitin kaya tinanggal ko ang balat nila sa mukha
Tinapak tapakan ang bungo hanggang sa maganyong pulbura
Umalulong ako nang malakas tapos winasak ko ang pintuan
Nakalaya na sa wakas mula dito sa marahas na kulungan
Ganunpaman, san man dumaan, iniiwasan ng sangkatauhan
Anuman ang aking gawin ako'y lubos na kinakatakutan
Napa tingin ako sa salamin at doon ko napagtanto
Yung nakikita kong halimaw ay ang aking tunay na anyo
Kaya pumunta sa kailaliman at dito na maninirahan
Pero sa aking muling pag ahon, maghahatid ng kamatayan!