Joey Ayala at ang Bagong Lumad - Bathala

Kishore Kumar Hits — Joey Ayala at ang Bagong Lumad - Bathala lyrics

Artist: Joey Ayala at ang Bagong Lumad

album: Mga Awit Ng Tanod-Lupa

Bathala
Likha Ninyo ang bawat bagay sa mundo
Lupang kayumanggi't luntiang bukirin
Alat ng dagat at tamis ng hangin
Bathala
Ang bawat bagay na nagmula sa Inyong palad
Ay may tungkulin sa mundong kinagisnan
Sa pagtupad nito ang lahat ay tinitimbang
Ang tao
Inyong hinugis at pinaahon sa lupa
Pinagkalooban ng talino at diwa
Upang mundo'y ipaglaban
Talino
Naging ararong nagpaamo sa palad
Naging kumpit na sumagupa sa karagatan
Naging apoy na nagpalayas sa karinlan
Sagana
Sa kayamanan ang mundong Inyong likha
At may bahagi rito ang bawat nilalang
Kung susuyuin nagmula sa kalikasan
Subalit
Buhay dalisa ay 'di sapat sa iilan
Sila'y nasilaw sa kinang ng kasakiman
Ganid na diyos ang sinamba
Pinaghahati-hatian po nila ang lupa
Karagatan at himpapawid ngayo'y may bakod na
Kapwa tao't hayop ma'y inaagawan ng tahanan
Walang nakaliligtas sa kanilang karahasan
Kaunlaran at kabutihan daw ang kanilang sadya
Subalit ang lumilitaw ay isang panggagahasa
♪
Bathala
Ako'y hinugis N'yo't pinaahon sa lupa
Ang aking buhay ay dito nagmula
At dito rin inaalay
Bathala
Bigyang lakas itong Inyong tanod-lupa
Upang umiral sa mapagsamantala
Panalangin ko'y dinggin sana, harinawa
Bathala

Поcмотреть все песни артиста