ऊँचा हिंवाल़ैं का नीस मेरे रौंत्येलो़ मुलुक
ऊँचा हिंवाल़ै की घारूं मा बस्याँ गैं
कथगा स्वाणा देखा दौं सैरा गौं
कथगा स्वाणा देखा दौं सैरा गौं
♪
छाली़-छाली़ बगदी गंगा हैरी-भैरी डाँड्यूं बीच
बांज बुरांस का बौण धरती फूलोंन् सजीं च
मी भी होलु वखि कखि हींसर किनगोड़ बीरांद
कथगा स्वाणा देखा दौं सैरा गौं
♪
ढोल दमौ की गाज डाण्या काँठों गुँजोंदी
कफ्फू हिला़ँस घुघूती गीत मयाला़ सुणोंदी
मी भी होलु वखि कखि चखुला पोथुला सनकाला
कथगा स्वाणा देखा दौं सैरा गौं
♪
थड़्या चौंफुला गौं गौला़ गीत चाँचड़ी झुमेलो
गाँदा नचदा गीत्येर तख बग्वाली़ इगास को मेलो़
थड़्या चौंफुला गौं गौला़ गीत चाँचड़ी झुमेलो
गाँदा नचदा गीत्येर तख बग्वाली़ इगास को मेलो़
मी भी होलु वखि रंगमत गैल्यों का बीच
कथगा स्वाणा देखा दौं...
♪
जब भी आला तुम यख धै लगायाँ मैं सणी
धार खालूँ लँघ्ये की औलू बथौं बणी, बथौं बणी
मी भी होलु वखि कखि बाटै बाटौं बताला
कथगा स्वाणा देखा दौं सैरा गौं