पढ़े भी हां कढ़े भी हां करया ना गुमान कदे,
बड़े रै बडेरया आगै पाटी ना जुबान कदे,
प्यार छोटा गेल्या बिना गिड्डी आले नोटा गेल्या,
बणी कोन्या लिया कदे किसे का एहसान कदे,
गेड़ा मार पाबड़ा किनाला नखरो,
भूल ज्यागी तेरा अम्बाला नखरो,
काला नखरो दिल एक परसेंट भी नि,
खुद नै ना काम कहन्दे खुद नै लीजेंड भी नि
बोल काम करै माहरे असले पतास्या आले
यार सदा बाहर कोन्या मिंडक चौमास्या आले
डोले रै गण्डास्या आले थॉट कोनी मन म
बालक किसाना के हाँ खोट कोनी मन म
हरियाणवी हाँ दब्या कोनी करदे
आणा जाणा हानि और लाभ का
गेल्या मेरे रहे जाओ दादे की
रहो सिर पै रै हाथ गैबी साहब का
हो माँ बैठी चूल्हे पै रै रोंदी देखी है
छोटी बेबे भूखी मनै सोंदी देखी है
लागे पैंताले धोखा देगे मेरे साले
कच्ची कड़ियाँ की छात मनै चोंदी देखी है
(संगीत)
हौसले जुलाणी आले जाट बरगे
दबदे ना छोरे नीले 60 बरगे
एक बारी सुणै बंदा होज्या अमली
बोल मेरे सुल्फे की लाट बरगे
संस्कारा आले खेत मनै जोते नखरो
मारे खतरा की नदियां म गोते नखरो
पाड़ कै जो ल्याया था रै दिल्ली के किवाड़
उस दादा महाराज के हाँ पोते नखरो
पीसे देकै गाण्या पै कमेंट नि कराये कदे
चालो या ना चालो दोष लक पै नि लाये कदे
बिना गाडी करे रोडवेज म सफर
पर नए नए बालका के पीसे कोनी खाये कदे
टैग कलाकारी आले लागे नखरो
नयी नयी थीम लेकै आगे नखरो
अम्बारा म थिंक सीधे राम गैल्या लिंक
देख के.पी बिंटू मेहनता तै छागे नखरो
12वी है पास छोरे आर्मी की त्यारी आले
खेता के है किंग कोन्या जॉब सरकारी आले
बाबे की दया तै पूरी ओके है रिपोर्ट
शोशेबाजी कोनी करी रुतबे स्टारी आले
(संगीत)
आंदी जांदी गोरियां तै दिए ना गुलाब कदे
नशा कामियाबी आला पींदे नि शराब कदे
दाब कदे दई कोन्या बण कै करीबी मनै
बाबू गेल्या खेती करी देखी है गरीबी मनै
घुल्या हूँ हालात गेल्या काली काली राता गेल्या
खेल्या हूँ कबड्डी कोन्या खेल्या जज्बाता गेल्या
लड़ कै मुसीबता तै जीते है मैदान
लिख्या नि भविष्य कच्ची स्याही की दवाता गेल्या
शौंक भी है करे पूरे खुद की कमाई गेल
आंकड़ा यो 36 आला बणग्या पढाई गेल
आशिक़ी तै दूर दूर मिलदे नि नाते
करया नि फ्रॉड कदे किसे माँ की जाई गेल
जगह जगह यारी मनै लाई ना कदे
पीठ पीछै करी रै बुराई ना कदे
देख कै नै चादर पसारे पैर सै
करूँ बदमाशी मेरे मन म ना आयी कदे
म्यूजिक टुयुब