So dunk'l woa's bis gestern,
Koa sun hot g'scheint fia mi
Gonz longsom, wollt i scho' aufgeb'n,
Weils oiwei stärker woa'n wie i
Oh mann, sie nemman da dei freiheit
Und irgendwann, irgendwann resignierst
Und du wirst g'staat, weilst woast,
Dass koana, a wort von dir kapiert
Oba auf amoi', mann do werd da himm'i blau
Und du sitzt do, nebba dir
A biss'l lieg'n, du siehgst, wiea's laffa' lernt
Du spürst, dass frier'n
Und ganz vorsichtig langst hi' dazua
Und du woas't, gonz dringend, werst du braucht
Und gonz egal, wia oft's mi a do obeschlog'n
Für di' steh i oiwei wieda auf
Und gonz egal, wia oft's mi a do obeschlog'n
Für di' steh i oiwei wieda, steh i auf
I mechat, i mecht so gern, dass de sun'
Nur a poor stund'n scheint, für mi
A poor stund'n, bloss; de i da zua'hearn konn
Oh mann, i her di' so gern red'n
Und i wünsch ma, dass i gonz zum schluss,
Nur aufrecht vor dir steh
Und dass ea'rnan nit ois glaubst,
Wos da späta amoi da'zöh'n wern, über mi
De zeit werd knapp und auf amoi'
Konn ma da dog, nit long gnua sei
Jetzt geht's nit bloss um unsan wold
Jetzt san a deine ba'm dabei
Und wenns wirklich bloss um mi gang
Dann war's ma wurscht, ob's mittelmeer da'feit
Oba es geht holt nit bloss um mi,
I mecht mi spät'a mit dir no' drüb'a g'frein
I mecht di' wachs'n seg'n, und i wünsch ma,
Dass noch was üb'rig bleibt, für di'
Und i mecht nit, dass heit, irgendoa'na veg'l frisst
Er frisst deine veg'l, frisst er mit
Und selbst da rat'z, und des werst von mir lerna'
Hot a berechtigung, zum leb'n
Und wenn der kich'le glaubt,
Dass des net so is, dann is der kich'le, geg'a di'
Und wenn der kich'le, geg'a di' is,
Dann muass er wahnsinnig vorsichtig sei, der typ
I mechat, i mecht so gern, dass de sun'
Nur a poor stunden scheint, für mi
A poor stund'n, bloss de i da zua'hearn konn
Oh mann, i her di' so gern red'n
Und i wünsch ma, dass i gonz zum schluss,
Nur aufrecht vor dir steh
Und dass't ea'rnan nit ois glaubst,
Wos da späta amoi da'zöih'n wern, über mi
I woass, dass sinnlos is,
Dass i eich do drob'n erklär, um wos ma geht
Und wenn i ehrlich bin, dann is ma ziemlich wurscht woa'n
Ob mi von eich do drob'n, irgendwer va'steht
Ihr kennt's mi einsperr'n, kennt's mi verhaft'n
Oba irgendwonn, werd's kapier'n,
Dass ma für ei're kinder da herunten, mitschrei'n
Weil ma nicht mecht'n, dass wegg'a eich krepier'n
Dass ma für ei're kinder da herunten, mitschrei'n
Weil ma nicht mecht'n, dass wegg'a eich krepier'n
I mechat, i mecht so gern, dass de sun'
Nur a poor stund'n scheint, für mi
A poor stund'n bloss, de i da zua'hearn konn
Oh mann, i her di' so gern red'n
Und i, i wünsch ma, dass i gonz zum schluss,
Nur aufrecht vor dir steh
Und dass't ea'rnan nit ois glaubst,
Wos da späta amoi da'zöh'n wern, über mi
Und dass, und dass't ea'rnan nit ois glaubst,
Wos da späta amoi da'zöh'n werd, über mi
Donkschen, pfiat eich, ge. servas, ...merci, servas