Kishore Kumar Hits

Rumpelstilz - A däm gwöhnliche Tag lyrics

Artist: Rumpelstilz

album: Füüf Narre im Charre


Me ghört d'Glogge vo dr Chile
I gseh d'Chinder spiele
En Amsle singt i de Escht
D'Wolke sy verfloge
D'Sunne spannt e Bage
U d'Blueme hei wieder Gescht
U es Bächli ruscht verby
Es darf kei Zyt vergüdet sy
U jedi Stund isch es Fescht.
A däm gwöhnliche Tag –
A däm gwöhnliche Tag.
Ha ghört es heigi Lämpe gä
Wo Eine isch ga d'Bank usnäh
Jetz ischer erschasse u tot
U z'Bärn tüe sie poltere
U z'Chile tüe sie foltere
U z'lndie he sie hei Brot
S'het Eine müesse z'Läbe la
Wül är het hei Zyl zum warte gha
U über d'Schtraass isch bi Rot
A däm gwöhnliche Tag –
A däm gwöhnliche Tag.
My Nachbar isch e Trinker
Sy Frou, die het dr Schtinker
Ste nimmt alles so schwär
Sie bletteret ir Bibel
Dere grosse Sündefibel
Wie we das e Lösig wär
Wenn's drüber geit u drunder
Suecht mänge nacheme Wunder
U fragt nid warum u wohär
A däm gwöhnliche Tag –
A däm gwöhnliche Tag.
Aber löh mer üs nid la lähme
Vo Mächt wo'd nid chasch zähme
Dr Summer isch gly scho verby
Mir wei e chly ga schwanze
Es bitzeli ga tanze
Und i bi so gluschtig uf Di
I zahle none Runde
I dere Beiz dört unde
U d'Musigbox liedet derby
A däm gwöhnliche Tag –
A däm gwöhnliche Tag.
Ja, i zahle none Runde
Für die Freaks u Vagabunde
Wo hüt hie mit üs zäme sy.
A däm gwöhnliche Tag –
A däm gwöhnliche Tag.

Поcмотреть все песни артиста

Other albums by the artist

Similar artists