Mir mache ei Schritt (ei Schritt) zrügg u zwe füre
Was wei mir Chance nachetruure, di si eh düre
Mir mache ei Schritt – kämpfe witer bis nümm witergeit
U d Ärde dräit sech witer, o wes üs verschisse geit
Mir mache ei Schritt (ei Schritt) zrügg u zwe füre
Was wei mir Chance nachetruure, di si eh düre
Mir mache ei Schritt – kämpfe witer bis nümm witergeit
U d Ärde dräit sech witer, o wes üs verschisse geit
Z Läbe mischlet üs di Charte nid geng wi mir wei
Verbringe Zit drmit dürber z gränne das aues abverheit
Wo si si häre au di Plän wo mir mau gschmidet hei
Mir begnüege üs immer mit ere gspiute Zfrideheit
Verpasse Chance wöu dr Zytpunkt nid richtig sig
U hoffe druf das mirs chöi nachehole irgendwie
U gly isches versandet, gly isches furt
Mir wärde euter und di Zyt forderet ihre Tribut
Mir kämpfe witter wöu mr wüsse was mr hätte wöue
U gäbe Tipps wöu mir ja wüsse wi me hättti söue
Mir chöi nid - zrügg- und o wes mängisch schwär isch
Versueche mir no z mache n-au das wos drfür nid z'spät isch
Gheie uf d Schnurre aber stöh wider uf
U lieber faile mr aus ungernähme gar ke Versuech
Wöu irgendeinisch wirds de klappe und mir wärdes de gschpüre
Mir mache zwar e Schritt zrügg aber o zwe gäge füre
Mir mache ei Schritt (ei Schritt) zrügg u zwe füre
Was wei mir Chance nachetruure, di si eh düre
Mir mache ei Schritt – kämpfe witer bis nümm witergeit
U d Ärde dräit sech witer, o wes üs verschisse geit
Mir mache ei Schritt (ei Schritt) zrügg u zwe füre
Was wei mir Chance nachetruure, di si eh düre
Mir mache ei Schritt – kämpfe witer bis nümm witergeit
U d Ärde dräit sech witer, o wes üs verschisse geit
Mir häbe zäme hei mir is gschwore bimene Glesli Wi
Aber mir wüsse wi zerbrächlech Beziehige si
Di fortschrittendi Zit veränderet üses Wäse
Und nid säute – trenne sech när üsi Wäge
Mängisch nume temporär u mängisch permanänt – mängisch merke
Mers chuum, mängisch simer am Änd – je nach däm
Aber mir rapple-n-is uf nach Verluste u mit dr Zit
Fasse mer Muet – a däm happerets chuum
Hei aber oft scho chli unagmässnigi Ziu
Und höchi Erwartige wo gar nid z befridige si – und glich
Stürze mir is i Kampf um üsi Ziu z erreiche
Wärde düregschüttlet bis mer wider usegheie
Mängisch bringts is e Schritt füre mängisch o eine zrügg
Aber mir näme ds Schiksau i d Hang – überlös nid em Glück
Und Stück für Stück über d Erfahrig lehre mer Züüg
U meine mir wüsse wis geit – u belehre när üsi Lüt
Mir mache ei Schritt (ei Schritt) zrügg u zwe füre
Was wei mir Chance nachetruure, di si eh düre
Mir mache ei Schritt – kämpfe witer bis nümm witergeit
U d Ärde dräit sech witer, o wes üs verschisse geit
Mir mache ei Schritt (ei Schritt) zrügg u zwe füre
Was wei mir Chance nachetruure, di si eh düre
Mir mache ei Schritt – kämpfe witer bis nümm witergeit
U d Ärde dräit sech witer, o wes üs verschisse geit