Anes livespiu
Gani nur zum ploudere
Rouke u bierli trinke
Gibes zue
Hanes stehplatzabi
Aber ga ner glich immer ga hocke
We yb es gou schiesst
Stani kurz uf stosse a
Hocke schneu wieder ab
Abr ds uftsah
Ds passiert ir letse zit viu z viu
Chume gar nümm zum trinke
Ploudere u zigarette dräiä
Oh ig vermisse
Die längwilige livepartie
Wo d yb spieler
Nonid hei chönnä zielä
Isch aube es richtigs trurspiel gsi
Ig bi ghocket
Ha trunke u ghroukt
Has doch so gnosse
Ds stadion isch nur haub vou gsi
U dr häberli
Isch erfolglos
Aber hoffnigsvou sini rundine gsecklet
So wie ig aube ou mini rundine seckle
Ig ha nie müesse ahstah
Fürnes bier oder ds wc
Ig stah doch scho süsch gnue ah
Oh ig vermisse
Die längwilige livepartie
Wo d yb spieler
Nonid hei chönnä zielä
♪
Ig ha so richtig chönnä mitfieberä
Wüu yb isch gsi wie ig
Ä chli ä gwinner ä chli ä verlürer
Mir hei aube ir pousä viu z beredä gha
Was me besser cha machä
Ize chöi mr nur astosse uf ds jämpu gou
Ds bier chöimer ou nümme uf d basler
Oder thuner schiesse
Wüu d basler närvä ja gar nümme
Und thun isch abgstigä
U für ds bier
Müesse mr ner eh wieder ä haubstund ahstah
Oh ig vermisse
Die längwilige livepartie
Wo d yb spieler
Nonid hei chönnä zielä
U ize heisst ds stadion wieder wankdorf
Mir hei lang kämpft
Aber idse isch aues zu perfekt, zu guet
U ize blibi haut dehei
Wüu guet simer nid
Perfekt ou nid
Ize gse mr yb nur no im fernseh
Trurig simer alli üs trifft ds fernweh
Aber die zit wird cho und yb wird wieder verlüre
U mir koufe üs wieder es saisonabi
U trinke wieder üses bier ide haubläärä räng
Haub glücklech haub trurig
U mr motze es isch doch aues so sträng
Und yb chönnt iz scho wieder mau
Es gou schiesse