Massar Egbari - Tokaa We Tkoom - Lyrics, Similar artists

Kishore Kumar Hits — Massar Egbari - Tokaa We Tkoom lyrics

Artist: Massar Egbari

album: Tokaa We Tkoom

وتقع وتقوم وتقوم وتقع
في الفرح دموع ودموع يا وجع
مين قال مقسوم، كداب يا ودع
دة أنت اللي في إيدك طرف الخيط
في الزحمة وشوش جاية وبتروح
خايف على قلبي يبات مجروح
ضحكة من الحلوة ترد الروح
تفتح شبابيك وبيبان البيت
أنا صابني الحزن
مقولتش ليه
وعاندني الحزن قدرت عليه
ويا بحر حلفت إني أعديه
ويفوت العمر لو استنيت
♪
دقيت عالصبر فتحلي الباب
وحكالي هموم كل الأحباب
ويا فرحة اترسمت بعد غياب
وقالتلي أتفضل لما ناديت
الحلم براح والكون مشاوير
والغنوة جناح أخدك ويطير
دة العشق ملوش أصل وتفسير
ويبان في عيونك مهما داريت
أنا صابني الحزن
مقولتش ليه
وعاندني الحزن، قدرت عليه
ويا بحر حلفت إني أعديه
ويفوت العمر لو استنيت
♪
الناس فوازير وسطور، حكايات
وساعات براويز وساعات متاهات
ودموع بتدوب وسط ابتسامات
تضحك دمعاتك لو حنيت
مكتوب للغايب يوم هيعود
مكتوب للغصن يضم ورود
من حضن الليل فجرك مولود
وتبات ونبات جاية الحواديت
أنا صابني الحزن
مقولتش ليه
وعاندني الحزن، قدرت عليه
ويا بحر حلفت إني أعديه
ويفوت العمر لو استنيت

Поcмотреть все песни артиста