في عالم خيالي، خيالي
هبني مدينة على مزاجي
في عالم خيالي، خيالي
هبني مدينة على مزاجي
غصب عني غصب عني
بهرب من كل حاجة مني
غصب عني غصب عني
بهرب من كل حاجة مني
عالم خيالي مجرد من الحساب
خد وهات
الحسابات أصل تعبنا اللي فات
اللي فات، فات مات
إحرق كتاب الذكرايات
تخيل، غمض عينيك مع المزيكا روح وإحلم
بمكان أمان فيه باسرارك ممكن تبوح
أوعى تبقى آخر عاقل جوة عالم مجنون
إسرح بالخيال وسافر برة حدود المعقول
لو معايا في أمنياتي يلا ويايا قول (يلا)
صاحبي ماتيجي نروح نتوه في رحلة بعيدة
يمكن مركبنا توصل، ترسى بينا في أرض جديدة
في الحقيقة مش مضمونة النتيجة
بس أكيد فى يوم هيحصل والحياة تبقى سعيدة
العمر مايكفيش مش حِمل أضيع فيه
لا هاممني دلوقتي ولا عامل حساب بعدين
ضيعنا وقت كتير بنراضي ناس تانيين
مش حِمل أنا التأنيب ولا أصعب على نفسي
وعلى فين هنروح
مابقتش فارقة رجوع
لو بس أكون مبسوط
ده اللي هاممني
تعبت من التدوير
أنا عايز أبقى بخير
وأهرب من التفكير
لمكان يطمني
بعيد بعيد عن وسائل التواصل
عن الود الكذاب اللي في عالمنا حاصل
بعيد عن اللي قاصد يكون بكلامه حاصد
مكانة عند حد خلّت كلامه وقلبه باهت
راقت الدنيا قصاد عنينا لما قلوبنا فاقت
بانت حقيقتنا إيه لما المشاعر ساقت
راجع أراجع نفسي قبل أما أمشي وأباعد
جايز أجتاز المحنة ويسامحني اللي عايز
بعيد بعيد
عن أي شر أنا السبب في وجوده
بعيد عن أي خير عملته عشان أقوله
بعيد هناك في أرض جديدة بعيدة تانية
بعيد عن النفوس السابعة والأطماع الفانية
مين اللي شاف قلبي ويعرف اللي فيه
نفسي اللي أعمله مابقاش مجبر عليه
الوقت كإنه واقف مابقتش أحس بيه
لكنه بان فى شكل كبرته وده الغريب
أكسر حاجات وأخسر حاجات أكتر وياريتني سبتها
مهزوم يبص على الدموع يفشل في إنه يعدها
جايز بقيت مسجون في كدبه أنا اللي كدبتها
كل أما أقول عايش بلاقي الخوف بيثبت عكس ده، آه
وعلى فين هنروح
مابقتش فارقة رجوع
لو بس أكون مبسوط
ده اللي هاممني
تعبت من التدوير
أنا عايز أبقى بخير
وأهرب من التفكير
لمكان يطمني
♪
على فين هنروح
مابقتش فارقة رجوع
لو بس أكون مبسوط
ده اللي هاممني
غصب عني غصب عني
بهرب من كل حاجة مني
غصب عني غصب عني
بهرب من كل حاجة مني
غصب عني غصب عني
بهرب من كل حاجة مني
غصب عني غصب عني
بهرب من كل حاجة مني