Wenn nün bis feuf eus chrank macht
Im Alptraum ufgwacht
Di drückendi Stimmig
I dä lähmende Stilli
De Ton isch denebä
Respekt suecht mer vergäbe
Am Schluss stahsch als Tubel da
Vilich ischs Zit zum witergah
De Alptraum fangt ah, wenn de Wecker wider lütet, Buchweh bim ufstah
Es isch keis Gschänk, Angstzueständ, wenni dra dänk, uf wasi mi de ganz Tag muss ilah
Fascht jede kännt s bedrückende Gfühl bimene toxische Arbetsklima
Nöd immer ganz grifbar, s einzig wod hoffsch, dass de Tag ganz schnell verbi gaht
Giftzwerg giz i jedere Rolle, vom Chef bis zu normale Mitarbeiter
Heiter läbeds ihri psychische Defekt bim Job us, und du nur bisch de Blitzableiter
Dunkli Triade, Trittbrettfahrer, Lügner bis Soziopathe
Manipulativi Hobby-Polizischte, Narzischte wo jede würed verrate
Bim schaffe sinds meist liächt überfordert, aber immer sind diä andere Gschuld
Mit de fehlende Sozialkompetenz bringeds dich ad Grenze, testet dini Geduld
Di eigene Ziel rechtfertiged alles, sie lüged und tüsched, egal wiä denäbe
Au wenn am Abig hei gahsch, blibt diä negativ Zit ah dir chläbe
Wenn nün bis feuf eus chrank macht
Im Alptraum ufgwacht
Di drückendi Stimmig
I dä lähmende Stilli
De Ton isch denebä
Respekt suecht mer vergäbe
Am Schluss stahsch als Tubel da
Vilich ischs Zit zum witergah
Chalte Schweiss i de Nacht, Schlafstörige nämed zue
Diä dunkli Wulche folgt mer, egal wasi mach, ich find ke Rueh
Mag chum me öppis ässe, bruche Tablette um de tristi Arbetstag z überstah
Sött drüber stah, wet liäber gah, chan aber nöd willi zvil offeni Rächnige ha
Es chunt hüfiger vor als mer dänkt, d Rächt vo anderne händ kei Existänz
Ha dänkt bin resistänt, aber ei falschi Person längt, scho fühlsch di in Egge drängt
Vo düstere Mine umgäbe, jedes Drama chunt ihne so glägge
Es isch es Versäge, mer sind zu verläge, niämer traut sich öppis z'säge
Toxischi Energievampir
Grenze werdet nöd respektiert
S Verhalte zu oft toleriert
Euse inneri Fride sabotiert
Es isch moralisch so versücht
D Stimmig cha kippe us em nüt
Stell kei Frage und mach din Job
Mach din Job
Wenn nün bis feuf eus chrank macht
Im Alptraum ufgwacht
Diä drückendi Stimmig
I dä lähmende Stilli
De Ton isch denebä
Respekt suecht mer vergäbe
Dä psychischi Stress
So toxisch wiäd Pescht
Wenn nün bis feuf eus chrank macht
Im Alptraum ufgwacht
Di drückendi Stimmig
I dä lähmende Stilli
De Ton isch denebä
Respekt suecht mer vergäbe
Am Schluss stahsch als Tubel da
Vilich ischs Zit zum witergah
Toxisch
Wenn nün bis feuf
Wenn bis nün bis feuf eus chrank macht
Toxisch
Im Alptraum ufgwacht