كل البشر مظلومة طيب يلي ظالم وين
و كل غلطان بيعرف حالو لكن مالو عين
وانا اولكم لكن الفرق اني بعترف
بجلد حالي عالمرايا اوجاعي بتنكشف
عم داوي ناس وداري لكن دوايي مفقود
بعد كل نجاح في الف شخص حسود
مرضت امي الدنيا داقت ماعادت تسعني
قالو كيفك قلتلن امي عم توجعني
و كل ما داقت فيني بعيونا بتطلع
مع كل جرعة تفوت بجسما كانت روحي تطلع
انا والجرح صرنا اخوة ف ماعاد همني
حكيت كتير لكن ماحدا فيكم فهمني
العين الي بتستصغرك عميا
والايد يلي بتنمد عليك كويا
والرقبة صامدا بعمرك ما تحنيا
والكلمة يلي بدا تخنقك حكيا
وين بينباع النسيان كيف منغتال الاحزان
ناس بتهوى حب النفس وانا اخترت العصيان
القي التحية لكل انسان ما الو وطن
القي التحية لكل طفل بمخيم اندقن
للبطون الخاوية بدنيا مو متساوية
لكل انسان مكسور عم ياكل من حاوية
مافيني انتمي للويل طيب قول أنتمي لوين
مالي أرض يما رفضتني السماااا
مافيني انتمي للويل طيب قول أنتمي لااا
مالي أرض يما رفضتني السما يا غيم
شايف ربي بعين قلبي فلا تدلني
بعرف طريقي منيح فلا تسألني
ليش الدنيا مانا عادلة ماعندي جواب
يمكن عشنا جهنم بهالدنيا خلصنا عذاب
مو مهم كل شي بقولو يكون على هواك
في الف مغني غيري بدو يلمع بسماك
هون ما حتلاقي غير يلي بدي قولو
سارد عالوجع كأني اخد حبة لولو
بدك موسيقة ترقصك طفي ودور ع غيري
لانك مهما طرت مارح يطلعلك مع طيري
علي صوت الكلمة وعالج الايقاع
عيش دنيا زلمة لحد ما يهمك الي باع
هون الراب نعمة بتحكي عن كل الي ضاع
عن شباب مفنية بالشغل للنخاع
شباب مشمرة للتعب هون خلقت الشوارب
هون الراب رسالة بصوت عامل شايب
وين بينباع النسيان كيف منغتال الاحزان
ناس بتهوى حب النفس وانا اخترت العصيان
القي التحية لكل انسان ما الو وطن
القي التحية لكل طفل بمخيم اندقن
للبطون الخاوية بدنيا مو متساوية
لكل انسان مكسور عم ياكل من حاوية
مافيني انتمي للويل طيب قول أنتمي لوين
مالي أرض يما رفضتني السماااا
مافيني انتمي للويل طيب قول أنتمي لااا
مالي أرض يما رفضتني السما يا غيم