Lueg mou nüt isch so schön wie mini stadt i dr nacht
Ig froge mi wär het au die fassade gmacht
Es wird so vüu glacht i dr stadt
Aber nüt isch so schön wie mini stadt i dr nacht
Ig go id city und ig gseh lüt mit lääre wiigläser
E ort wo d lüt anang verbirede
Kene cha dr anger so richtig verstoh
Und jede schloht anderi richtige vor
Lääri blicke träffe lääri gsichter
Schwäri gschichte wo i de härze sitze
Es paar schlimmi und gemeini
Die löh sich nid so liecht us dere wäut schaffe
Und ganz sicher nid elleini
Doch es fäuht vüune dr muet
Sie luege nur uf büuder im buech
Si hei nüt gläse, sie hei d füume nur gluegt
Darum blibe aui zäme stüu und so ruhig
Nur wenn me ufnang zuegoht cha me dr krise ufe grund go
Blibt me vo nang entfärnt schreit jede nume grundlos
Und wär wird scho gärn agschroue?
I so momänt würd ig am liebschte abhoue
Doch das wär nid richtig, das wär nid oke
Wüu du chasch wäggo, aber hesch gäng no s problem
Und mit däm lied chani das sicher nid beende
Bi plus und minus gits immer differenze
Nüt isch so schön wie mini stadt i dr nacht
Nüt isch so schön wie mini stadt i dr nacht
Ig möcht dir zeige wie si isch
Möchtisch du e teil vo ihre si?
Nüt isch so schön wie mini stadt i dr nacht
Nüt isch so schön wie mini stadt i dr nacht
Ig möcht dir zeige wie si isch
Möchtisch du e teil vo ihre si?
Ir stadt ir nacht si aui farbe glich
Ir stadt ir nacht si aui farbe glich
Ir stadt ir nacht si aui farbe glich
Aui aui glich.
Ir stadt ir nacht si aui farbe glich
Ir stadt ir nacht si aui farbe glich
Ir stadt ir nacht si aui farbe glich
Aui aui glich.
Wenn ig i zwöihundert johr ufere wouche sitze
Ganz entspannt es stück vom chueche isse
I mine arme zwöi ängle mit bunte lippe
Am ort wo müuch und honig us brunne fliesse
De luegi uf die wäut abe
Ig gseh immer no vüu glich, es wird immerno mit gäud ghandlet
Vüu strit und hass, chrieg und zank
Und us auem wird irgendwie es business gmacht
Vüu bluet wird vergosse, vüu gluet wird verschosse
Immer no so vüu wuet i de chnoche
Überau liid und toti fründe
Aber es chlises land wo rot-wiis lüchtet
Immer no neutrau, es kämpft und es chriegt nid
Es land vo ändloser liebi
De wird nümm ungerschide zwüsche usländer und eidgenoss
Und jede isch im grund gno si eiget boss
Aui glich und de wird nid unterschide
De si eifach aui lüt wo i dr schwiz wohne schwizer
Und jede cha überau fründe finde
Wo aui inbrünschtig d nationauhymne singe
Aber nid wüu mir es vouk vo bure si
Nei hie hets hunderti kulture gmischt
E wäut wo so vüu schöner isch
Und d lüt merke dass türke meh aus döner si
Nüt isch so schön wie mini stadt i dr nacht
Nüt isch so schön wie mini stadt i dr nacht
Ig möcht dir zeige wie si isch
Möchtisch du e teil vo ihre si?
Nüt isch so schön wie mini stadt i dr nacht
Nüt isch so schön wie mini stadt i dr nacht
Ig möcht dir zeige wie si isch
Möchtisch du e teil vo ihre si?
Ir stadt ir nacht si aui farbe glich
Ir stadt ir nacht si aui farbe glich
Ir stadt ir nacht si aui farbe glich
Aui aui glich
Ir stadt ir nacht si aui farbe glich
Ir stadt ir nacht si aui farbe glich
Ir stadt ir nacht si aui farbe glich
Aui aui glich
Und wenns denn irgendeinisch heisst so si muslime ir schwiz
Wies se niene so git, mit traditione, die macht me hie und süsch nid
Wo tamile partys für aui schmeisse
Und wo me tanzet i aute chleider
Das ganze land isch jetz e gmeinsami sach
Ir shishabar gits tabak mit greyerzer-gschmack
S buurezmorge findet im teelade statt
Und döner chasch du jetze au mit cervelat ha
Wüu me au die chance hingerem vorhang gseht
Dr neu schwingerkönig, er heisst mohammed
Und är isch Schwizer. Lueg jede typ kennt ihn
Er gseht so guet us i sim eduwiishemmli
Ke balkanvater wo nid us sim plattebau chunnt
Sondern sit neustem mithüuft bim fasnachtsumzug
Wo kene me schwarz am busfahre isch
Und überhaupt ke einzige meh usgschaffet wird
Aber au das nid wäg liebe richter und so
Nei wüus gar kene meh eso wit loht lo cho
E ort, wo nume no dr friede prägt
Es land, wo absolut im iiklang läbt
♪
Und mir isch klar, d lüt wärde nid so umlänke
Ja, ig weiss, es isch wunschdänke
Aber wenn ig das eso presse i die kunschtform
Chani irgendwie besser dermit umgo
Ig ha mini zit vilech ganz knapp verpasst
Und mir si au die tatsache klar
Und wenn du di jetz frogsch was dä spasst grad verzapft
So gedanke machi mir znacht i dr stadt
Nüt isch so schön wie mini stadt i dr nacht,
Nüt isch so schön wie mini stadt i dr nacht
Ig möcht dir zeige wie si isch.
Möchtisch du e teil vo ihre si?
Nüt isch so schön wie mini stadt i dr nacht
Nüt isch so schön wie mini stadt i dr nacht.
Ig möcht dir zeige wie si isch
Und dass du e teil vo ihre bisch
Ir stadt ir nacht si aui farbe glich,
Ir stadt ir nacht si aui farbe glich
Ir stadt ir nacht si aui farbe glich,
Aui aui glich.
Ir stadt ir nacht si aui farbe glich,
Ir stadt ir nacht si aui farbe glich,
Ir stadt ir nacht si aui farbe glich,
Aui aui glich.