I heisse di
Herzlich willkomme im 21. johrhundert
Jo me gseht die schwiz isch ziemli bunter
Vüu meh aus no vor 80 johr
Nur chöi so vüu lüt drmit nid klar cho
Es het platz fr aui
Au für flüchtendi mönsche
Vüu besser chas eigentlech würklech nümm wärde
Doch i ghöre vüu faschiste sache
Vo wuetbürger sie si ke rastiste aber
Hinger dr fassade isch angst versteckt
Und di ganzi angst wird mit vüu hass überdeckt
Lüt wo anderne dr atem nid düe gönne
Si dr grund werum sech anderi nümm patriote nenne
I cha nid verstoh wieme sech vor so chance cha vrschränke
Gmeinsam chönnt me so vüu vrändre
Du muesch mini meinig nid teile sie isch nid verankert
Aber mach der mindistens gedanke
So vüu lüt empöre sech ohni öppis zmache
Und gseh gar nid was fr chance sie verpasse
Luege enander us dr ehrelogue ah
Derbi chönnt me so vüu lehre vonenand
Sie meine e einheit macht es freis land us
Und schaffe sech derbi die eiget heimat us
Vüu lüt si uf dr suechi, wüsse nid wosi häre sette
Mir hei aui puzzleteili müesses se nur no zemmesetze
Döu si stouz und düe d schwizerfahne hisse
Ihr stöht für üses land aber nid 2017
Fr flüchtende gits e chlini dose mitleid
Fr was es burkaverbot wenn niemer s wohre gsicht zeigt
Und Wenn das nid stimmt de säg mer bitte öppis anders
I bi sicher as mers schaffe wenn mers mitenander mache
Du muesch mini meini nid teile sie isch nid verankert
Aber mach der mindistens gedanke