En país de Vilafrança
Que s'i lhevèn per milièrs
Contra lo gran rèi de França
En mil shèis cents quaranta-tres
Mes òc, praubot
Mes òc, praubot
En mil shèis cents quaranta-tres
Entà har guèrra a la talha
Qu'avèn causit tres capdaus
L'un Laforca, l'aute Lapalha
Joan Petit, qu'èra lo tresau
Mes òc, praubot
Mes òc, praubot
Joan Petit, qu'èra lo tresau
Per tota l'Occitania
Que'us aperavan croquants
N'avèn per tota causida
Que la miseria o la sang
Mes òc, praubot
Mes òc, praubot
Que la miseria o la sang
E qu'estòn per tròp d'ahida
Venuts per los capulats
Eths que vivèn de trahida
Çò qui n'a pas jamei cambiat
Mes òc, praubot
Mes òc, praubot
Çò qui n'a pas jamei cambiat
Que'us hiquèn dessús l'arròda
E que'us croishìn tots los òs
D'aqueth temps que'èra la mòda
De's morir atau, tròç a tróç
Mes òc, praubot
Mes òc, praubot
De's morir atau, tròç a tróç
E qu'estó ua triste dança
Dab la cama, e lo pè, e lo dit
Atau per lo rei de França
Atau que dançè Joan Petit
Mes òc, praubot
Mes òc, praubot
Atau que dançè Joan Petit
E l'istuèra qu'a heit son viatge
Qu'a pres camin de cançon
Camin de ronda taus mainatges
Mes uei que sabem, tu e jo
Mes òc, praubot
Mes òc, praubot
Mes uei que sabem, tu e jo