Du bisch nervös wie en herbststurm
Pfiifsch durd stadt und riisisch blätter ab und jedes dach us holz
Du machsch getöse wie en bergsturz
Brichsch durs tal und schliifsch platt, was nöd i dim garacho rollt
Du bisch nervös wie e wältstadt
Gönnsch dr fast kei schlaf vor luuter luuter mission
Au wänn du öffentlich gebäll machsch
Findi alli hundert hundesitter gad i.o.
Doch jetzt isch früehlig, lueg, und d sunne schiint
Kein felse rollt is tal
Und i dim dorf gits kei brooklyn-bridge
Beruhig di doch emal, beruhig di doch emal
Du bisch so ängstlich wie en igel
Rollsch di immer i, dass mer vo dir nur d stachle gseht
Chuum isch dis läbe chli verwirrend
Oder wird s chli änger um dis gartebeet
Du bisch so ängstlich da im himmel
Wo alli zimmer suuber sind und dstrasselampe hell
Lueg dini händ aa wie si zittred
Chuum das öpper nöcher chunnt oder en franke will
Doch jetzt isch früehlig, lueg, und d sunne schiint
Kein felse rollt is tal
Und i dim dorf gits kei brooklyn-bridge
Beruhig di doch emal, beruhig di doch emal
Chum bitte, ruhig bliibe
Nöd grad usflippe weg dene news, bitte
Von re newssiite, wo nur wider
Halbe uslüchted, was gar nöd so stimmt
Chum bliib chli ruhig liege
S isch nur es summergwitter, d wält gaht nöd under, i de
Nögste stund isches wider sunnig, ide city ruhig
Und gar nöd so schlimm
Chum bitte, ruhig bliibe
Die es huus witer sind cool, villicht
Mal iilade und uftische, statt dim nachber uswiche
Palisade ufrichte
Bitte, bitte ruhig bliibe
Zerst mal schnufe und i de sunne sitze
Hör uf muure zimmre, mach amour im zimmer
Lass musig singe und du merksch
S isch gar nöd so schlimm