Patent Ochsner - Prolog - Lyrics, Similar artists

Kishore Kumar Hits — Patent Ochsner - Prolog lyrics

Artist: Patent Ochsner

album: Finitolavoro - The Rimini Flashdown Part III

Summer 2015,
Hie chunnt dr dritt, dr letscht, dä teil,
Wo no fäut im mosaik
Für üsi fründe & ver- wandte, freaks,
Vögu & vagante & no einisch für di,
Mi amor, mi querida, compañera de toda mi vida –
Us de ouge, aber nid us em sinn
Das si nid songs,
Das isch en abschiedsbrief & nes röntgebiud.
Das isch e fläscheposcht & die schouklet wyt usse i de wäue
Vom ne ändlos tiefe, dunkublaue meer.
Das isch die auti gschicht
Vo däm aute chrueg,
Wo so lang zum brunne geit, bis är bricht & das isch ds sauz vo de träne,
Ds vertröchnete bluet,
D äsche vor verbrönnte geduld,
Die dünni huut & ds dunkle härz.
& Kes schlächts wort über di.
Nix. nada. niente & rien du tout.
Nid eis schlächts wort über di
Aber nüt vo au däm schaffts bis zu dir.
Du schteisch uf dr häue syte vo dr schtrass
& D sunne schynt dir i dys gsicht
& Du blinzlisch
& Geisch wyter.

Поcмотреть все песни артиста