Har liggja nýggj-hálvfems pappír
í ovastu skuffuni
á tey er ritað
So man kann vita
Um tú riggar normalt
Har liggja áttu-fýrs pappír
í næstovastu skuffuni
Hvørt orð er vigað
Og tað tey siga
Er at tær vantar kontakt
Har liggja sjey- hálvfjerðs pappír
í mittastu skuffuni
Hvønn dag skal skrivast
So ongin ivast
At tú gert tað tú skalt
Men har liggur eitt smíl
í næstniðastu skuffuni
Av og á kannað
Um millum manna
Tað kann smílast normalt
Tí har liggur ein tjúkk bók
Oman á øllum skuffum
Standa sannleikar
Frá einum samfelag
Sum sigst at rigga normalt
Men eg siti og bíði
Og veit ikki hví eg
Kundi stríðst
Móti øllum heimi
í dómadags stríði
Tí hugar mín tráar
Eftir niðastu skuffuni
Men hon er fast læst
Verður aldri opnað
Tí har liggur tú sjálv