Julie Fowlis - Mo Dhòmhnallan Fhèin - Lyrics, Similar artists

Kishore Kumar Hits — Julie Fowlis - Mo Dhòmhnallan Fhèin lyrics

Artist: Julie Fowlis

album: Cuilidh

Nuair chruinnicheas an òigridh
Gu mire 's gu sòlas
Bidh mise nam ònar
An seòmar gun ghleus
A' cuimhneachadh a chòmhraidh
A' fhleasgaich a leòn mi
'S an gaol a' thug mi òg
Do mo Dhòmhnallan fhèin
Bidh m' athair 's mo mhàthair
Ri gearain 's ri cnàmhan
A' cantainn nach fheàrr mi
Na pàiste gun chèill
Mo ghaol thoirt a dh'òigfhear
Bhios daonnan a' seòladh
'S a sgaoileas a stòras
Gun ghò ris gach tè
Nuair thachradh an còmhlan
Sa chlachan Didòmhnaich
Nam measg cha robh òigfhear
Cho còmhnard na cheum
Cho beusail na chòmhradh
'S cho fearail na dhòighean
Bhiodh sùil aig gach òigh
Air mo Dhòmhnallan fhèin
♪
Tha dualagan bòidheach
Dhed chuailean nam phòca
Do dhealbh air a chòmhdach
Le òr ann an cèis
Do shùilean cho beò leam
Do ghruaidh mar na ròsan
Ag ùrachadh dhòmhsa
Mo Dhòmhnallan fhèin
Tha bliadhn' agus còrr
Bhon a thriall e o eòlas
'S tha ìomhaigh cho beò leam
'S ged sheòladh e 'n-dè
Cha ghèill mi do dh'òigfhear
'S cha chèill mi na bòidean
No 'n gaol a thug mi òg
Do mo Dhòmhnallan fhèin

Поcмотреть все песни артиста