Mi rouve in z'yeux, six heures y sonne
Côté d'moin mi ois pi personne
Mi pense peut-être Joséphine
Trinn' chauffe café dans la cuisine
L'hèr qu'mon deux yeux l'a rouvert
Moin la bien compris mon malheur
L'avait bon pé désorde dans la chamb
Moin té tout sèl
Moin l'avais pi d'femme
Comme in fou, moin l'a saute à terre
Sans regarder si moin té en moresse
Moin l'a cour la case belle-mère
Fallait oir à moin fait la vitesse
Moin té comme dans in demi sommeil
Sans trop comprend sak larrive a moin
Dans la pente fallai oir moin
Lété pareil
Un vié l'auto l'a pi l'frein
Li té comme dans in demi sommeil
Sans trop comprend sak la arrive a li
Dan la pente fallai oir li lété pareil
Un vié l'auto l'a pi l'frein
Mi trouve mon belle mère en griffes
Li commence foute à moin dé giffes
"Tape mon fille, toué l'a fait la farce
T'a regretter n'espère fi d'garce! "
Mi dis: "Belle Mère, ou l'est saoule
Ou bien c'est moin qui commence maboule?
Hier au soir moin la pique dé coups
Mais faut pas croire qu'moin l'est encore saoul".
Dans la porte mi ois Joséphine
La tête enflée... li tait comme in papangue
Son sévé tait d'bout en zépines
Son figuir crasé comme in vié pot d'chamb
L'a fallu longtemps, mes amis
Avant moin la fini par comprend
Que l'était moin même l'avait tapé à li
La veille au soir dans mon rhum
L'a fallu longtemps, mes amis
Avant li la fini par comprend
Que lété li même l'avait tape fifine
La veille au soir dans son rhum
Joséphine ek son momon
L'a fonce dessis moin comme dé chattes
Ah, ah, mounoir
Moin l'était mort pis longtemps
Si moin l'avait point dé grands pattes
Moin la court comme in capon
Sinon ça n'aurait case mon côtes
Pitôt d'mand femme là pardon
Moin l'a préfère couri, mi dia zot
Mais le plus comique dans tout ça
Vraiment marmaille ça zot y connait pas
Dé trois jours nous l'a rest fachés
Mais Joséphine l'était tracassée
Elle l'artourne la case en vitesse
Alors moin même sans fait plus d'manière
Moin l'a flatte à elle par dé trois p'tits caresses
Telement ke moin l'était fièr
Dépis ça croire à moin, le rhum mi déteste
Y vaut mié mi boire la bière.