دحمان الحرّاشي . شوفو للوعد
"""""
شوفو للوعد كي تحتّم عليّا
نصبر على ندامتي ما فادني تخمام
شوفو للسّعد غاب ما ولّا ليّا
ادّا زهري معاه فنى صبري يا مڨواه
(ادّا زهري معاه فنى صبري يا مڨواه)
"""""
شوفو للوعد ما بغى يفهمني و الخاطر انكوى
ما صبت لا طبيب لا دواء علاش يعذب فيّا
هذا وعدي ماذا جرى، علاش هرب عليّا
راحو الايّام و العوام
رماني في بحر الظّلام عذّبني بشقاه
شوفو للوعد كي تحتّم عليّا
نصبر على ندامتي ما فادني تخمام
شوفو للسّعد غاب ما ولّا ليّا
"""""
شوفو للوعد صاڨني ادّاني و زاد ردّني
علاش رماني و لاحني علاش يجرّي فيّا
علاش شراني و باعني و الزّمان دار عليّا
علاش جرّدني فالزّمام
سبحانه ربّنا و لا ينام اللّي كتبلي نلقاه
شوفو للوعد كي تحتّم عليّا
نصبر على ندامتي ما فادني تخمام
شوفو للسّعد غاب ما ولّا ليّا
و ادّا زهري معاه فنى صبري يا مڨواه
(ادّا زهري معاه فنى صبري يا مڨواه)
"""""
الوعد اعطاني بالقفى ما حنّ عليّا و لا عفى
علاش جفاني بالجفاء و غيّبلي العقليّة
خلّاني نمشي بالحفا و الشّوك في رجليّا
افهمني يا فاهم الكلام
افهم المعنى على التّمام اللّي بحالي مڨواه
شوفو للوعد كي تحتّم عليّا
نصبر على ندامتي ما فادني تخمام
شوفو للسّعد غاب ما ولّا ليّا
و ادّا زهري معاه فنى صبري يا مڨواه
(و ادّا زهري معاه فنى صبري يا مڨواه)
"""""
الوقت هربلي يا فلان تخبّى و رجع ما يبان
خلّاني مغبون في احزان و لا شفق عليّا
تبدّل الفلك و الزّمان كي الصّبح و العشيّة
سقاني المرّ يا كرام
سبحانه ربّنا و لا ينام عذّبني بشقاه
شوفو للوعد كي تحتّم عليّا
نصبر على ندامتي ما فادني تخمام
شوفو للسّعد غاب ما ولّا ليّا
و ادّا زهري معاه فنى صبري يا مڨواه
(و ادّا زهري معاه فنى صبري يا مڨواه)
شوفو للوعد كي تحتّم عليّا
نصبر على ندامتي ما فادني تخمام
شوفو للسّعد غاب ما ولّا ليّا
ادّا زهري معاه فنى صبري يا مڨواه
ادّا زهري معاه فنى
فنى صبري يا مڨواه