Chum i das Game wine Mussorgski-Opre
A eim Stock winen fucking Opa
Es isch es Chliises wenich mich mun opfre
Isch das Captain Philips wel ich mu das Schiff kapre
System am lagge Ziit zum de Shit e mal restarte
Gib mal d'Spiischarte übre ich wet uslese
Los uf d'Wüsseschaft und nöd was es paar Dudes seged
Schiiss uf de Thomas Aeschi, und uf de Marco Chiesa
Weg eu mus d'Schwiiz bald mal abgholt werde vo de Rega
S'Ändi vonre'n Ära, Büchse der Pandora
Ihr mached Gift massefähig so wie Coca-Cola
Und wenn s'Bundeshuus gstürmt wird tönder verdutzt
Ihr schiissed uf d'Demokratie ihr wennd nume de Stutz
Und gnueg Macht zum de Hass na chli schüüre
Dass niemert cheggt, dass ihr eui Homies schwach tönd bestüüre
Nei mir hend nöd verlore, mir hend nume verschlafe
Und ez meh als gnueg Chraft zum so 15 Nächt duremache
Ich lah mer d'Auge flicke, gseh zu viel Scheiss uf Twitter
All da wohlstandsverwahrlost s'isch huere bitter
Mir sind di Ärmste uf dem ganze schiiss Planet
Wel wie chum ich ohni offni Bars und Restaurants zu Instafame, ha
Ide Schwiiz isch det wo'd Revolution zigarrerauchend söll cho
Was isch de Scheiss für en Hohn?
Gegenüber echte Diktature
Wel mir sind höchstens nu es chliises Land voll riiche'n aber pickte Buure
Hoff bin i minre Fam de letschti Bioschwiizer
Henk d'Regebogefahne zwüschet all die graue Monolithe
Ihr wend ke Gschichtschriibig, ihr wend Mythe verzelle
Gedenk em Generalstreik und nöd em Willhelm Tell
De het eh de Schiller gschriibe, es halbs Jahrtuusig nacher
Mir sind nur Söldner blibe, pillage und Büüti mache
Das isch min Exorzismus ich riiss de Shit ez use
Wel die meiste da müend wie d'Anna Göldin unedure
Jedi Wuche brennt Moria als wärs Mittelerde
Europa's Gloria wie Saruman mit sine Scherge
Und für d'Moral hends Gschicht umgschribe wine schlechti Fable
Das isch ke Antwort druff ich stelle nur die rechte Frage