Los ich ha dütigshoheit winen missioner
Vilich nie diplomat oder bundesrat aber waynomat
Dis lebe isch tempomat mis uf hunderachtzg und es isch wunderbar
Liecht sonderbar doch si werde mich ehre I hundert jahr
Rousseau, Gramsci Marx sind alli gstorbe als Ussesiiter
Di meiste bruched en Füehrer öb Christoph Blocher oder Mussolini
Wieso na denke wenn du uf Netflix chasch binge-watche
Pro 7 3+ chratzt der d'Hirnmasse us de Stirnlappe
Alles schiint und glänzt Konsum isch s'neue Soma
Träum vo dütsche Autos und Familieferie uf Bora Bora
Apple de Ayatola und du redsch nume vo Illuminati?
Mach d'auge uf wel UBS, Glencore, CS Novartis längstens scho da sind
Ja mir sind gfange ide chettene womer eus selber aleged
Nimm mich nöd us de glichig use wel am endi vom tag trifft das jede
Verbüt mer nöd z'rede, min ganze richtum idem chopf dine
D'Umwelt gaht vord hünd und das nur wel mir mensche münd gott spiele
Lose chli Bob Dylan, denke drüber na wi ziite sich ändret
Aber warum bliibt denn de wohlstand immer ide gliche länder
Nüt het sich würklich g'ändret, ussert vilich die lippekenntnis
Lug uf dich selber lug uf di andre, redemer mal über wahri Verhältnis
Lug mit den Auge'n idi Wulche'n ue, und immer na chli wiiter denn
Chunsch uf di Welt mitm Muul scho zue, nach de Jugend au na s'ghirn verbrennt (Denke)
Und nei ich wird nöd riifer nume warmer
Und du wirsch au nöd richer nume'n ärmer
Mir Lönd eus triibe dur di wiite vo de erde
Und warted bis mer irgendwenn mal
Die Welt isch en Astalt, gründet am Montpèlerin
D'gründigslüg, glaub ganz fest dra, und du schafs uf jedem weg
Es chömed besseri täg, das seit jede tyrann
Es heisst sig mal gedulig, aber ich frog mich scho lang wie lang denn verdammt
Seg mer Wie lang dases gaht bis ich mich I mir selber veränn?
Mir sind frei doch stönd da als heted mier verbundeni händ
Natürlich Kei bluet ade hand, plasmascreens stönd guet ade wand
Das anderswo mal billig isch, isch guet wemmiers eus mal guet ga la wand
Muet verkennt, und bald isch na jedes tabu broche
Aber ok, simer mal ehrlich endlich staht das huus offe
Kei usrede Dummheit schützt vor schuld nöd
Zerst wird d'gsellschaft und nacher dis ghirn vo ihnne usghölt
Denn het sichs usgspielt, ich cha der nur sege kenn ma din ort
Du bisch nöd anderst nu well dir'n influencer bi insta folgt
Mir schussed Perle vor d'Säu, gebed di helde de hünd
Es macht dich nöd freier, nume'n en freier, wend nu de strom abeschwümmsch