ဘာမှမမြင်
ဘာမှမကြား
ဘာမှမရှုသွင်း
ဘာမှမစားသုံး
ဘာမှမထိတွေ့
ဘာမှမတွေးတောတဲ့
ငါ့ရဲ့
ဦးခေါင်းထဲမှာ
တစ်ယောက်ထဲ
စကားတွေပြောနေပြီ
မနားတမ်းအစဉ်
တစ်ဖဝါးမှမခွာ
တောက်လျှောက်အစဉ်အမြဲ
ငါ့ပခုံးထက်
တက်လို့ခွ၍
အမျိုးမျိုးခိုင်းစားတဲ့
ငါ့ရဲ့
ဦးခေါင်းကြီးဟာ
တကယ်တမ်း
မျောက်တစ်ကောင်ဖြစ်နေတယ်
အထဲကိုကြည့်တယ်
အခန်းလွတ်နေတာတွေ့တယ်
ဓာတ်ကြိုးတွေကိုတွေ့တယ်
မျက်လုံးပေါင်းမြောက်များစွာ
ငါ့အထဲကထိုးထွက်လာ
အတောင်တစ်စုံပေါက်လာ
အညှီအဟောက်နန်းပုံပေါ်ငါဟာစံစားရင်း
ငါယင်ကောင်ဖြစ်သွားပြီ
ကြက်ဥလား
ကြက်မလား
မေးခွန်းထုတ်ရင်း
လေးချောင်းထောက်မှ
နှစ်ချောင်းဖြစ်လာ
ပြီးတော့သုံးချောင်း
နိဂုံးချုပ်တော့
အများအပြားသော
ခြေထောက်တွေနဲ့
ကင်းခြေများဖြစ်သွား