Dat doar is Lei, Lei is enne boor
Het koeie en prei en verkuup alles door
Smerges vroeg op, dun ganze dag werke
Nou zit ie hier, zo zwart als un verke
Gister het hej nog tot 2 oor gezete
Allien ziene jas, den is ie vergeate
Sh*t!
Ut is kermis en dan is ut hier altied druk
Kermis of neet, op den hoog op die kruk
Doar zit dan dezelfde, echt zonne stille
Beroepsvreejgezel, zienne tied te verspille
Vertelt over vroeger, heat vuul oetgevrete
Allien ziene naam, den ben ik vergeate
Uhm...
Ut zellefde bandje zit hier weer te speule
En ik denk dat ik wiet hoe zeej zich now veule
Ut mak wel muziek mar gen mins die ut snapt
Iederien drink en niemand die klap
Ge mot wel van geld of muziek zien bezeate
Of op zien mins, snel kunne vergeate.
Jopie ken ik nog van huul lang geleeje
Dat was enne linke en neet gauw tevreeje
Haaj moeite mit drank, moeite mit vrouwe
Totdat zeej um vroog, toen zien ze goan trouwe
Um 12 uur noar bed en um half 6 eate
Now is alles weer goed umdat ze vergeate
Martin is slum, den wet alles van cente
Van koepe, belegge, van rente op rente
Van hoe ge op termien ut beste kan spare
En van roeje wien en dikke sigare
Sigare zo lang, die kunde neet meate
Hej had weer gen vuer, dat is ie vergeate
VUUR!!
Jan hed gedronke, proat over den doed
Gister kwam ik nog in ysselsteyn oet
Dat kerkhof stiet vol mit ontelbare kruuse
Ontelbare rieje, mit nog veul mier pruuse
Ik heb en kwartier beej dat burdje gezeate
In vrede zoelang als wej dit nie vergeate