Als kleene Jung han ich mich ens verloofe
Ich jläuf ich wollt m'r nur e Rahmkamellsche koofe
Ich fung ming Stroß nit mih, jo dat wor schwer
Ne Schutzmann frochte mich: "Wo küss do her?"
Ich hatt en Angs, hä nohm mich beim Schlawitsche
Em Jeis saah ich mich schon terektdemang em Kittsche
Doch ich merkte, hä meint et joot met mir
Ich säht ihm dann treu hätzich op ming Ihr
Ich ben e'ne Kölsche Jung, wat willste maache?
Ich ben e'ne Kölsche Jung un dun jään laache
Ich ben och söns nit schlääch, nä ich ben brav
Ming Lieblingswöötsche, heiss Kölle Alaaf
♪
Ich deit och schwer aan minger Mutter hänge
Un dät se met mir och manchmol kräftig schänge
Em meiste wor ich ävver emme dä leeve Jung
Su leich braat ich se nit us dem Verzung
Un hat ich ens e Sammeltass' zerbroche'
Da merkte ich jetzt häsde jet verbroche
Ming Mam' säät nor zu mir: "Du küss nit vör de Tür"
Ich säät nur: "Mam' ich kunn doch nix doför"
Ich ben e'ne Kölsche Jung, wat willste maache?
Ich ben e'ne Kölsche Jung un dun jään laache
Ich ben och söns nit schlääch, nä ich ben brav
Ming Lieblingswöötsche, heiss Kölle Alaaf
Ich rode dir, loss nie d'r Kopp ens hange
Levve nur, dann du bruchs dich nit zu schamme
Denn wenn de nit mi laachs, dat is verkeht
Sing doch ding Muttersproch op Kölsche Leed
Sing su wie ich, du bruchs dich nit zu schamme
Hässde jrösse lust, dann singe mir zesamme
Dann wenn do einesdaachs vör'm Himmelspötzje steihs
Dann saach dem Petrus heimlich, still un leis
Ich ben e'ne Kölsche Jung, wat willste maache?
Ich ben e'ne Kölsche Jung un dun jään laache
Ich ben och söns nit schlääch, nä ich ben brav
Ming Lieblingswöötsche, heiss Kölle Alaaf