Ich heiße Abdel un han hück jehierot
Nit jrad us Liebe - eher, weil et su sin moot
Se saaten ich mööt widder zoröck
Dröm han ich jehierot, es dat nit verröck?
(Dröm hät hä jehierot, es dat nit verröck?)
♪
Ich ben us Marokko, kom vür zwei Johr he her
Studier Germanistik, leeven Allah es dat schwer
Ich koche jeden Ovend en d'r Kneip nevvenbei
Doch för die Jecke an d'r Thek ben ich "Ali aus Türkei"
Manchmol malloch ich sechs Daach en d'r Woch
Rauch als Moslem Zirette, selvs e Kölsch drink ich och
Un rechnet d'r Weet endlich av un mät Schluss
Fahr ich hungsmödkapott met d'r Stroßebahn noh hus
Ich heiße Abdel un han hück jehierot
Nit jrad us Liebe - eher, weil et su sin moot
Se saaten ich mööt widder zoröck
Dröm han ich jehierot, es dat nit verröck?
(Dröm hät hä jehierot, es dat nit verröck?)
♪
En d'r Uni, do setz ich dann - schlofe fass en
Se sage mer: Jung, dat hät su keinen Senn!
Ding Leistung un Note die reichen nit us
Dat wor et Herr Abdel, a'tschüss un noh hus
Ich dun keinem wieh - falle keinem zor Laß
Ich arbeide, liere - weede trotzdem jeschass
Dröm han ich jehierot - e Mädche för Jeld
Jetz darf ich he blieve - wat dat blos für'n Welt?
Ich heiße Abdel un han hück jehierot (hierot)
Nit jrad us Liebe - eher, weil et su sin moot (sin moot)
Se saaten ich mööt widder zoröck
Jetz ben ich verhierot, es dat nit verröck?
(Jetz es hä verhierot, es dat nit verröck?)
♪
Doch wä weiß wat weed us mir un dem Mädche
Wenn Alaah och drop steit un d'r leeve Jott okay säht
Vielleich weed et jo joot, wenn jeder jet dran deit
(Vielleich weed et jo joot, wenn jeder jet dran deit)