ጥንትም ላይሆንልሽ እንዲያው ተቸገርሽ
እኔስ አይገርመኝም ወዶ መጥላትሽ
ጥለሽኝ ብትሔጂ ካልከበደሽ ግፉ
አላስገድድሽም ትዝብት ነው ትርፉ
ጥንትም ላይሆንልሽ እንዲያው ተቸገርሽ
እኔስ አይገርመኝም ወዶ መጥላትሽ
ጥለሽኝ ብትሔጂ ካልከበደሽ ግፉ
አላስገድድሽም ትዝብት ነው ትርፉ
ፍቅርም ካልቀደመ ከገንዘብ ከሓብቱ
ቁምነገር የለውም መዋደድ በከንቱ
ካንቺማል ደብቀው ችዬ ማልሸሽግሽ
መውደዴን ነው እኔ መቼም የማልነጥቅሽ
በአይኔ ሳይሰሰት በእጄም ሳልነጥለው
የማላውቀው ልብሽ ምንግዜም ፍቅሬ ነው
ቢከብድም ባይከብድም በምድር ውለታዬ
ላንቺ የማቀርበው ይህ ነው ስጦታዬ
ቁምነገር ነው ብዬ ውለታን ውያለው
አላስቀየምኩሽም ቃሌን አክብሬያለው
በደል ከቁምነገር ከበዛብሽማ
አቻሽን ፈልጊ ላንቺ እንደሚስማማ
በደል ከቁምነገር ከበዛብሽማ
አቻሽን ፈልጊ ላንቺ እንደሚስማማ
ጥንትም ላይሆንልሽ እንዲያው ተቸገርሽ
እኔስ አይገርመኝም ወዶ መጥላትሽ
ጥለሽኝ ብትሔጂ ካልከበደሽ ግፉ
አላስገድድሽም ትዝብት ነው ትርፉ
ጥንትም ላይሆንልሽ እንዲያው ተቸገርሽ
እኔስ አይገርመኝም ወዶ መጥላትሽ
ጥለሽኝ ብትሔጂ ካልከበደሽ ግፉ
አላስገድድሽም ትዝብት ነው ትርፉ
አንዱ ብሩን ሲቸር ሌላው ከየት ያመጣል
የኔ ልብ ሐብታም ነው እምነቱን ይሰጣል
ዛሬም አለኝ ፍቅር የያዝኩት ሰስቼ
መቼም በዚህ በኩል አላውቅም ደህይቼ
ጎጆማ ጓዳማ ቤትማ ነበረኝ
ማዕድ የሚያቋርስ ሰው ነው የቸገረኝ
ዛሬ እኔን ዘንግቶ ገላሽ ሰው ቢለምድም
ትላንት ወደሽኛል ክፉሽን አልፈቅድም
ቁምነገር ነው ብዬ ውለታን ውያለው
አላስቀየምኩሽም ቃሌን አክብሬያለው
በደል ከቁምነገር ከበዛብሽማ
አቻሽን ፈልጊ ላንቺ እንደሚስማማ
በደል ከቁምነገር ከበዛብሽማ
አቻሽን ፈልጊ ላንቺ እንደሚስማማ
ጸጸቱ እስኪሰማሽ ጨክኔሽ ብትቆርጪ
ለኔው ይብላኝ እንጂ አንቺስ ሰው አታጪ
ይሻል ይሁን ብለሽ ከተነሳሽ አንቺ
እኔም ሸኝቻለሁ በይ ደህና ሰንብቺ
ይሻል ይሁን ብለሽ ከተነሳሽ አንቺ
እኔም ሸኝቻለሁ በይ ደህና ሰንብብቺ
የህልምሽ ሎተሪ ቅዠት ነው አይወጣም
ይባስ ይሁን እንጂ የተሻለ አይመጣም
ገንዘብ ከሰው በልጦ ከጠቀመሽ ላንቺ
አላስገድድሽም በይ ደህና ሰንብቺ
ገንዘብ ከሰው በልጦ ከጠቀመሽ ላንቺ
አላስገድድሽም በይ ደህና ሰንብቺ