አጥቻለው እኔስ እፎይታ
ያቅበጠብጠኛል ጠዋት ማታ
ስጠይቅ ፍቅር ነው ይሉኛል
መላ አጣሁ እንዴት ይሻለኛል
አጥቻለው እኔስ እፎይታ
ያቅበጠብጠኛል ጠዋት ማታ
በድንገት ፍቅር ደርሶብኛል
መላ አጣሁ እንዴት ይሻለኛል
♪
ከሩቅ ከባሻገር አይሰጥ ምልክት
ከቶ እንዴት ይቻላል ፍቅርን መለየት
ቅድሞ ነጋሪቱን አይጎሽም አይመታ
ድንገት ከተፍ ይላል ሳያሰማ እእምቢልታ
ክተት ብሎ አይጀምር አውጆ አይነሳ
አይጣል ፍቅር ድንገት ሲነሳ
ደናውን ህሊና ከቦ በድንገት
አጥለቅልቆት ያድራል በሀሳብ በናፍቆት
ክተት ብሎ አይጀምር አውጆ አይነሳ
አይጣል ፍቅር ድንገት ሲነሳ
ደናውን ህሊና ከቦ በድንገት
አጥለቅልቆት ያድራል በሀሳብ በናፍቆት
♪
አጥቻለው እኔስ እፎይታ
ያቅበጠብጠኛል ጠዋት ማታ
በድንገት ፍቅር ደርሶብኛል
መላ አጣሁ እንዴት ይሻለኛል
አጥቻለው እኔስ እፎይታ
ያቅበጠብጠኛል ጠዋት ማታ
በድንገት ፍቅር ደርሶብኛል
መላ አጣሁ እንዴት ይሻለኛል
♪
መውደድን አዝምቶ ግንባር ቀደሙን
ልብን ይማርካል ሳይገብር ደሙን
ሀሳብ ፈጥኖ ደራሽ ደጀኑ ትዝታ
ወራሪው ፍቅር ድንገት የሚረታ
ማይጨው አልዘመተ አልዋለ ሰገሌ
እንዴት ይላል ደሞ ገሌሌ
አይፎክር አይሸልል ዘራፍም አያውቀው
ሀሳብ ብቻ ነው ወይ ፍቅር የታጠቀው
ማይጨው አልዘመተ አልዋለ ሰገሌ
እንዴት ይላል ደሞ ገሌሌ
አይፎክር አይሸልል ዘራፍም አያውቀው
ሀሳብ ብቻ ነው ወይ ፍቅር የታጠቀው