ሰው መሠረቱ መቼ ይለያያል
በአንድ አምሳል ተፈጥሮ አንድ ሆኖ ይታያል
ሃብትን የታደላት ትልቅ ሰው ይባላል
ያጣም ድህነቱን አምኖ ይቀበላል
ያለለትን ሊኖር እድሜውን ሲገፋ
ከቶ በህይወቱ ማነው የማይለፋ
ደስታና መከራ ማግኘቱ ማጣቱ
ሁሉም በየተራ አይቀርም መምጣቱ
ተፈራርቆ የሚኖር በየራሱ ጊዜ
በየራሱ ጊዜ
የአንድ ቦይ ውሃ ነው ተድላና ትካዜ
ተድላና ትካዜ
ውጣ ውረድ ባለው የህይወት መሰላል
የህይወት መሰላል
የዚህች ዓለም ነገር በዚህ ይመሰላል
በዚህ ይመሰላል
ሰው መሠረቱ መቼ ይለያያል
በአንድ አምሳል ተፈጥሮ አንድ ሆኖ ይታያል
ሃብትን የታደላት ትልቅ ሰው ይባላል
ያጣም ድህነቱን አምኖ ይቀበላል
የሆነለት ወጥቶ ያቃተውም ወርዶ
ሁሉም ይቀበላል የኑሮን ተፈርዶ
ህይወት በደረጃ ሰው ይነጣጥላል
አንዱን ላይ አድርጎ አንዱን ታች ይጥላል
የሌለው ዳቦ አጥቶ ያለው ሙክት ሲያንሰው
ያለው ሙክት ሲያንሰው
ላገኘው ሲጨምር ካጣ እየቀነሰው
ካጣ እየቀነሰው
የእድሜ መጨረሻ ሲመጣ ሰዓቱ
ሲመጣ ሰዓቱ
ሞቱ ግን አንድ ናት ቢለይም ህይወቱ
ቢለይም ህይወቱ
ሰው መሠረቱ መቼ ይለያያል
በአንድ አምሳል ተፈጥሮ አንድ ሆኖ ይታያል
ሃብትን የታደላት ትልቅ ሰው ይባላል
ያጣም ድህነቱን አምኖ ይቀበላል
ሊቁ ዘመን እንጂ አይደለም ጠቢብ
የሚሆን ምን አለ እንደ ሰው ሃሳብ
በዓለም ላይ ጊዜ ነው ሁሉን የሚያደርገው
ተስካሩን ያወጣል ሰውስ በሰረገው
የበላይ በበታች ይገፋል ከወንበር
ይገፋል ከወንበር
በዓለም ምን ይኖራል ወትሮስ እንደነበር
ወትሮስ እንደነበር
ተማሪ ቆሞለት ይበላል ደብተራ
ይበላል ደብተራ
ትልቅ ሲወድቅ ነው የትንሾች ተራ
የትንሾች ተራ
የበላይ በበታች ይገፋል ከወንበር
ይገፋል ከወንበር
በዓለም ምን ይኖራል ወትሮስ እንደነበር
ወትሮስ እንደነበር
ተማሪ ቆሞለት ይበላል ደብተራ
ይበላል ደብተራ
ትልቅ ሲወድቅ ነው የትንሾች ተራ
የትንሾች ተራ
ተማሪ ቆሞለት ይበላል ደብተራ
ይበላል ደብተራ
ትልቅ ሲወድቅ ነው የትንሾች ተራ
የትንሾች ተራ