Rekto-vèso
BIC Tizon Dife
M-mmh
Depi avan laj mwen depase almanak
Mwen pran desizyon pou m pa chante okenn stipidite
M pa nan mache dèyè sen nan tabènak
Mwen plis ap mache chache lanmou ak imilite
Gen bagay ki pi enpòtan pase yon hit
Gen bagay k ap manje m jouk nan kòd lonbrit
Pou peye lekòl, paran yo ap redi
Pandan gen lekòl k ap fòme bandi
Si atis yo te konn sa yo vo
Enbesil pa t ap pran yo pou san sèvo
Jou m nan bif ak yon Ayisyen parèy mwen
Nenpòt ti bebe mèt vin rale zorèy mwen
Atis, pran tèt nou tande
Se modèl nou ye
Ki sa n ap kite
Demen pou timoun yo ka repete?
Atis, pran tèt nou tande
Se modèl nou ye
Ki sa n ap kite
Demen pou granmoun yo ka repete?
Depi premye fwa m manyen yon plim
Mwen deside nan pwezi mwen p ap tounen ploum
M pa yon atis ki vin betize
M pa yon chantè ki vin fè tizè
M pa vin nan mizik pou yo ka di m te la tou
M vin pou m ede tout sa k deside sot nan tou
De mouchwa menm koulè k ap goumen
Se dezekilib yon kaye e yon soumen
Mwen analize mache a
Sa pou nou ta vann lan se li nou kache a
Plis nou gen talan maryonèt
Plis li bon pou sistèm lan nèt
Si atis yo te konn sa yo vo
Enbesil pa t ap pran yo pou san sèvo
Jou m nan bif ak yon Ayisyen parèy mwen
Nenpòt ti bebe mèt vin rale zorèy mwen
Atis, pran tèt nou tande
Se modèl nou ye
Ki sa n ap kite
Demen pou timoun yo ka repete
Atis, pran tèt nou tande
Se modèl nou ye
Ki sa n ap kite
Demen pou granmoun yo ka repete
Nou fè anpil paran pa swete gen pitit yo ki mizisyen
Alòske nou ka kreye pi bèl imaj e majisyen
Kòman fè nou pa apèsi, yeah
Ke yo pran n pou panyen pèsi
Wè-è-è, de ki konpetisyon w ap vin pale m la?
Si manman m tande sa, ou ka fè l vin kale m la
De ki konpetisyon w ap vin pale m la
Si manman m tande sa, ou ka fè l vin kale m la
De ki konpetisyon w ap vin pale m la?
Si manman m tande sa, ou ka fè l vin kale m la
De ki konpetisyon w ap vin pale m la?
Si manman m tande sa, ou ka fè l vin kale m la
Atis, pran tèt nou tande
Se modèl nou ye
Ki sa n ap kite
Demen pou timoun yo ka repete?
Atis, pran tèt nou tande
Se modèl nou ye
Ki sa n ap kite
Demen pou granmoun yo ka repete?